نقل الإعلامية أسماء مصطفى إلى المستشفى في حالة خطيرة
كشفت الصفحة الرسمية لـ الإعلامية أسماء مصطفى عن تعرضها لوعكة صحية جديدة ونقلت على أثرها إلى المستشفى، منذ قليل، عبر فيسبوك.
نقل الإعلامية أسماء مصطفى إلى المستشفى في حالة خطيرة
وكتبت الصفحة الرسمية :”#الادمن بنعتذر لعدم التواصل والرد لان أسماء تعرضت لوعكة دخلت على أثرها للمستشفى دعواتكم تخرج بالسلامة.
أول تعليق للإعلامية أسماء مصطفى بعد إصابتها بالسرطان
قامت الإعلامية أسماء مصطفى ، المذيعة بقناة إكسترا نيوز، بتوجيه رسالة مؤثرة لجمهورها من خلال نشر منشور جديد عبر حسابها الشخصي بموقع «فيس بوك» لتبادل الصور والفيديوهات، وذلك بعد إصابتها بمرض السرطان.
حيث قالت الإعلامية أسماء مصطفى: «بستغرب شوية من حالة العشم الزايد اللي طبعا محدش يقدر ينكر إن الأصول والذوق بتقول إننا نراعي مشاعر الآخرين ونقدر ظروفهم ونقف جنبهم».
وأضافت وكتبت: «متلوموش حد إنه ما فضلش حزين على فراق شخص قريب أو فضل يواسي عيلته ووقف حياته محدش بيعمل كده، وده مش معناه إن مفيش غلاوة ولا حب أو تقدير، بس ده حال الدنيا، الناس بتنشغل بحياتها وتدور على الفرح، محدش بيحب النكد».
واستكملت: «محدش بيحس ولا يشيل همك غير أهلك اللي معاك تحت سقف واحد، عايشين معاك يوم بيوم، وشايفين وجعك، غير كده طبيعي كل واحد ينشغل بحياته، ومش هيفضل قاعد كل يوم يسأل عنك أو يجي يطبب عليك، متلوموش حد ودعوا الخلق للخالق، متطلبش من حد يوقف حياته علشان حد تاني، ولا تزعلوا من الأساس، اللي يقدرك ويراعيك من نفسه كتر خيره، واللي بيسأل من بعيد كتر خيره، واللي مبيسألش كتر خيره، أنا عن نفسي عمري ما بزعل ولا بلوم حد ودي نعمة».
واختتمت وكتبت: «سيبوا الناس تنبسط، محدش في الزمن ده هيدور يتعس أو ينكد على نفسه معاك، ولا حد هيفضل يشيل هم حد، العمر كله ربنا يسعد كل الناس ويهون على كل واحد همه وحزنه، ربنا العالم بحال العباد، وهو وحده اللي يقدر يصرف الكرب والهم والحزن».
مقالات أخرى قد تهمك:
أول تعليق للإعلامية أسماء مصطفى بعد إصابتها بالسرطان
بعد إعلان إصابتها بالسرطان.. أسماء مصطفى تكشف تطورات حالتها الصحية