أول تعليق للإعلامية أسماء مصطفى بعد إصابتها بالسرطان

قامت الإعلامية أسماء مصطفى ، المذيعة بقناة إكسترا نيوز، بتوجيه رسالة مؤثرة لجمهورها من خلال نشر منشور جديد عبر حسابها الشخصي بموقع «فيس بوك» لتبادل الصور والفيديوهات، وذلك بعد إصابتها بمرض السرطان.

أول تعليق للإعلامية أسماء مصطفى بعد إصابتها بالسرطان

حيث قالت الإعلامية أسماء مصطفى: «بستغرب شوية من حالة العشم الزايد اللي طبعا محدش يقدر ينكر إن الأصول والذوق بتقول إننا نراعي مشاعر الآخرين ونقدر ظروفهم ونقف جنبهم».

أسماء مصطفى: ما تلوموش حد

وأضافت وكتبت: «متلوموش حد إنه ما فضلش حزين على فراق شخص قريب أو فضل يواسي عيلته ووقف حياته محدش بيعمل كده، وده مش معناه إن مفيش غلاوة ولا حب أو تقدير، بس ده حال الدنيا، الناس بتنشغل بحياتها وتدور على الفرح، محدش بيحب النكد».

اسماء: ماحدش بيشيل همك غير أهلك

واستكملت: «محدش بيحس ولا يشيل همك غير أهلك اللي معاك تحت سقف واحد، عايشين معاك يوم بيوم، وشايفين وجعك، غير كده طبيعي كل واحد ينشغل بحياته، ومش هيفضل قاعد كل يوم يسأل عنك أو يجي يطبب عليك، متلوموش حد ودعوا الخلق للخالق، متطلبش من حد يوقف حياته علشان حد تاني، ولا تزعلوا من الأساس، اللي يقدرك ويراعيك من نفسه كتر خيره، واللي بيسأل من بعيد كتر خيره، واللي مبيسألش كتر خيره، أنا عن نفسي عمري ما بزعل ولا بلوم حد ودي نعمة».

واختتمت وكتبت: «سيبوا الناس تنبسط، محدش في الزمن ده هيدور يتعس أو ينكد على نفسه معاك، ولا حد هيفضل يشيل هم حد، العمر كله ربنا يسعد كل الناس ويهون على كل واحد همه وحزنه، ربنا العالم بحال العباد، وهو وحده اللي يقدر يصرف الكرب والهم والحزن».

أسماء مصطفى تعلن إصابتها بالسرطان

جدير بالذكر، أن الإعلامية أسماء مصطفى كانت قد أعلنت في أبريل الماضي، عبر حسابها بموقع «فيس بوك»، عن إصابتها بمرض السرطان، موجهة تحذيرا للجمهور، بعدم تناول المسكنات إلا تحت إشراف الطبيب.

مقالات أخرى قد تهمك:

شقيق ياسمين عبد العزيز يحسم الجدل بشأن انفصال شقيقته عن العوضي

زوجة عصام الحضري تخطف الأنظار بجمال ملامحها برفقة زوجها (صور)