«ماكنش معاك 10 جنيه» بلوجر شهيرة تفتح النار على محمود الليثي.. والسبب! (القصة كاملة)

أثار الفنان الشاب محمود الليثي حالة من الجدل خلال الساعات القليلة الماضية، بسبب حدوث مشادة كلامية بينه وبين إحدى البلوجرز على السوشيال ميديا، بعدما قام بنشر منشور جديد على صفحته الشخصية يهاجم فيها البلوجرز بشكل عام.

بداية القصة

حيث قام الفنان محمود الليثي، بنشر منشور جديد عبر حسابه الرسمي بموقع التواصل الاجتماعي «فيس بوك»: «عشان لما نقول الانفلونسر والبلوجر مش شغلانة تسمعوا الكلام”.

بلوجر شهيرة تفتح النار على محمود الليثي

لترد عليه «بلوجر» شهيرة تدعى مريم سيف، عبر خاصية «الأستوري»، بحسابها الرسمي بموقع الصور والفيديو «إنستجرام»، قائلة : “معلش يا أستاذ محمود الفاضل وأنت كنت إيه لما طلعت واللي شهرك اليوتيوب وبعدها بقيت ممثل؟..

تابعت مريم قائلة :” وبعدين متنساش إن الممثلين دلوقتي لما بينطفوا مرة مبيرجعوش تاني وأنت شغلانتك إيه؟ مش قدام الكاميرا زينا ولا إيه؟ ولو الكهربا قطعت بتنطفو أنتو كمان ولا إيه النظام؟”.

وأضافت :” قالك أنفلونسر مش شغلانة ع الأقل احنا لينا نفع عنكم والله.. طب خلي ممثل كبير يتكلم طيب يا جدع مش كده.. أنا قولت محمود حميدة بيتكلم مثلًا اتخضيت لما لقيته محمود الليثي”.

معايرة واستهزاء

كما أعادت البلوجر مريم سيف نشر إحدى رسائل متابعيها كتعلق على ما قالته، وكتبت: “نسي لما كان بيطلع يقول مكنتش بلاقي الـ 10 جنيه في جيبي وبركب رجلي علشان معيش حق المترو وغيره وغيره””.

لترد عليها البلوجر قائلة : “بالظبط مش معنى إن ربنا كرمك تقلل من أي حد وتقول كده وأنت شغلانتك مش شغلانة ممكن تتوقف في أي لحظة، ما كل واحد يخليه في حاله أحلى له محدش ملاك قرف بجد”.

محمود الليثي يرد على البلوجر بهذه الطريقة

فقام محمود الليثي، بإعادة نشر منشور البلوجر وذلك عبر خاصية «الأستوري»، بحسابه الرسمي بموقع الصور والفيديو «إنستجرام»، وعلق قائلاً: «بصي يا أستاذة ياللي مش عارفك أولًا أنا مغلطش فيكي لشخصك وأنت غلطي فيا.. ثانيًا أنا ليا أصحاب كتير أنفلونسر وأشهر منك بمراحل أخدوا الموضوع بهزار عادي دا لأن فعلًا دي مش شغلانتهم الأساسية”.

أضاف :” ثالثًا لو أنت شايفة إن الممثل مش بينفع الناس وأنت بتنفعيهم فدا قلة فهم منك ودا مش هلومك عليه عشان دي حاجات مينفعش نشتريها.. بنتولد بيها”.

تابع :” رابعًا كونك تقول دا مكنش معاه 10 جنيه يركب مترو وتتريقي على دا.. فدا مصدر فخر ليا إني كنت أمل لشباب كتير إنهم يبدأوا من الصفر وينجحوا ورحلة كفاح انبسط إن الناس تعرفها”.

وأوضح قائلا:” الفن دا مهنة زيه زي الطب والهندسة، ولو حضرتك بتقرأي في التاريخ هتعرفي إنه موجود من يوم ما اتوجدت الحضارة وغير شعوب، عمل ثورات مش مرتبط بالكهرباء زي ما بتقولي».

واختتم قائلا: «وأخيرًا لو الأستاذ محمود حميدة شاف كلامك دا كان هيخليكي تعتذري للفن والفنانين كلهم اللي بتقللي من دورهم وكان هيفهمك ازاي تتكلمي بأسلوب راقي عن كدا».

مقالات أخرى قد تهمك:

محمود الليثي يعلن إصابته بفيروس كورونا.. ويفجر مفاجأة بشأن الحالة الصحية لزوجته ووالدته (شاهد)

هيفاء وهبي ومحمود الليثي وبوسي أمام النائب العام بسبب قضية «فتاة فيرمونت»