مفاجآت جديدة صادمة في واقعة «السجود للكلب».. الممرض: الدكتور اقترح يكهربوني

كشف الممرض الذي ظهر في الفيديو الذي أثار حالة من الجدل وشغل الرأي العام إعلاميا، والمعروف بواقعة “السجود للكلب” والمقيدة برقم 13401 لسنة 2021 جنح النزهة، والمتهم فيها عمرو خيري “طبيب بشري”.

أقوال صادمة لممرض واقعة «السجود للكلب»

وقال المجني عليه عادل سالم، ممرض اسجد للكلب، الدكتور عمرو خيري استخدم أيد مقشة كان جايبه من أدوات النظافة عشان يضربني بيها، وفيها يهاوشني بيها وأنا كنت ببعدها عني لما كان بيحاول يقرب بيها مني.

الممرض: الدكتور اقترح يكهربوني

وتابع المجني عليه في واقعة اسجد للكلب، معتز مسعد وعمرو رفعت كانوا بينفذوا تعليمات الدكتور عمرو وبيساعدوه في الموضوع ده علشان اتعاقب على الكلام اللي أنا قولته على الكلب، وبعد ما أنا عملت الموضوع بتاع نط الحبل ده الدكتور معتز جه بالحبل وكان عايز يكتفني واقترح أنهم يكهربني.

وأضاف الممرض المجني عليه، أنا رفضت بعد كدة لأني حسيت أن الموضوع بدأ يتاخد على محمل الجد خصوصا علشان بدأت أحس أنهم بيصوروني وابتدوا يطلبوا مني حاجات تانية ودكتور عمرو قالي أنه مش هيسامحني غير لما أسجد للكلب بتاعه.

الممرض: وأنا مقدرش استحمله حتي لو هفقد شغلي

واستطرد الممرض عادل قائلا: “الدكتور عمرو طلب مني أني أسجد سجدتين للكلب بتاعه زي ما ظهر في الفيديو وقال الله أكبر واسجد للكلب لكن أنا رفضت لأن ده وزر وأنا مقدرش استحمله حتي لو هفقد شغلي، وأنا استغربت طلبه جدا ورفضت اني اعمل كده خصوصا أنه مسلم وعارف يعني ايه اني أسجد لغير الله وأن الطلب ده ابتدي الموضوع يبقي مؤذي نفسياً ليه وحاولت أخرج بره الأوضة بس معتز كان قافل الباب”.

وأختتم المجني عليه، أول مرة وأنا أظنها دي كانت ذلة لسان وكبرت منه لما قالي أسجد للكلب علشان يبينلي مدي حبه للكلب بتاعه، ومعرفش ازاي طلب مني كده، ولما فضل يشتم فيا عملت تحية للكلب علشان يوقف إهانته ليا.

مقالات أخرى قد تهمك:

طبيب يعتدي على ممرض مسن: «صلي لكلبي».. التاني: «كهربني أحسن» (فيديو صادم)