حالة من الجدل أثيرت الساعات الماضية، عقب قيام  أحد الكافيهات بالتجمع الخامس، بطرد مجموعة من الفتيات ورفض تواجدهم، لوجود فتاة بينهن ترتدي عباءة، إذ أثارت الواقعة موجة من الغضب والسخط بين رواد مواقع التواصل الاجتماعي، الساعات الاخيرة، من تصرف الكافيه، الأمر الذي وصفوه بالعنصرية وغير اللائق.

طرد فتاة من كافيه بالتجمع الخامس بسبب ارتدائها «عباية»

بداية الواقعة بقيام إحدى الفتيات المتواجدات ضمن الواقعة،  وتدعى دينا حشيش، بنشر أحداث الواقعة  عبر حسابها على فيس بوك، وكتبت: «الواحد كان فاكر إن لسه شهر على خناقة البوركيني والتشنج الطبقي بس أنا افتتحت الموسم بأول قصة أنا وفريق الشغل قررنا نعمل ميتينج مهم في التجمع في كافيه الصبح، هو كافيه شيشة بسيط بس محدث في شارع التسعين ومكلفين التشطيب ومزودين الأبانوس وعاملين ڤاليه فكروني بالمحجوب أو blaze أول ما فتح».

وتابعت دينا حشيش في منشورها : «وبعد ساعتين جت آخر بنت بدموع في عينيها من الإحراج وبتقولنا مش هقدر أحضر الاجتماع مش عايزيني هنا علشان لابسه عباية!!!”.

وأكملت دينا حشيش الواقعة، وقالت: «فرحت للمدير قولتله عيب عليك إحنا في ٢٠٢١ وقدمت قوي حوارات الخوف من الاختلاف وبرضو مش هناقشك إن لك دريس كود، حقك ولكن أنا مديريتهم وجايباهم ومتكسفنيش قدامهم إحنا ساعة وماشيين. ولازم السينس إنت شايف ناس محترمة فعادي المكان فاضي أصلًا، يقولي في كاميرات والمدير هيلومني ومش مسموح بعباية ولا نقاب ولا شبشب».

تفاعل رواد مواقع التواصل الاجتماعي

وعلى الفور انهالت التعليقات من بين رواد مواقع التواصل الاجتماعي ،رافضين الواقعة ومستنكرين اياها والتي كان ابرزها :”الدنيا كلها كده للأسف الشديد وهما مجرد ناس بتشتغل في المكان مش أصحابه الكارثة في العقليه الي حاطه الحدود والقواعد دي”.

فيما قال مصطفى الحسيني : “كل ما اقرأ حاجة زي كدة حصلت في الوطن العربي، بتمنى إنها تكون حصلت في أمريكا علشان الشخص اللي تعرض لعنصرية وتمييز (أيا كان سببها) ياخد حقه تعويض بالملايين ويخرب بيت صاحب المكان ويخلي اللي بيفكر زيه ما يحاولش يجرب”.

اقرأ ايضًا:

تفاصيل الحالة الصحية لخالد عليش.. وعكة مفاجئة وعملية جراحية