فتاة حدائق الأهرام تفجر مفاجأت في واقعة التحرش بها في الشارع

كشفت الفتاة المجني عليها في واقعة حدائق الأهرام اثناء سيرها بسيارتها في الشارع، وذلك من خلال نشر رسالة نشرتها عبر منصة التواصل الإجتماعي لتبادل الصور والفيديوهات الشهير بـ فيسبوك.

فتاة حدائق الأهرام تفجر مفاجأت في واقعة التحرش بها في الشارع

حيث قالت الفتاة اثناء المنشور، ” انا طول عمرى بصدق اى بنت بتقول انها اتعرضت لأى نوع من أنواع العنف و ده علشان احط نفسي مكانها كبنت بتتعرض لأي أذى جسدى ولفظى وحقيقى انا عمرى ما تخيلت انى اكتب حاجة زى كدة فى يوم من الأيام وترددت كتير قبل ما اكتب لكن حسيت ان لازم اواجه ال حصلى بمنتهى الشجاعة لانى معملتش حاجة غلط”.

المجني عليها: اعتبرته تعبان نفسيا

وتابعت قائلة:”امبارح كنت عند الدكتور فى حدائق الأهرام و خلصت و ركبت العربية علشان اجيب اخويا من التمرين المهم فى شخص بيقولوا انه راجل زى ما انتوا شايفين كان ماشى ورايا بيعاكسنى المهم انا كنت عايشة فى المجتمع خايفه اسمع اى كلمة تجرحنى قفلت شباك العربية و تجنبته المهم فضل ماشى ورايا لحد شارع الضغط و الشارع ده رايح جى و للأسف ضيق جدا لدرجة ان الناس بتمشى على رصيف المحلات ف هو جيه من ورايا بعربيته و وقف جنبى ناحية الشمال فالطريق وقف و الناس مستغربة انه مش ماشى مع الصف بتاعى فبدأ يبصلى و يكسر عليا لدرجة انه خبط المرايا ف انا كأى شخص طبيعى كلكستله وقلت من ورا الازاز هتروح فين !! فلقيته اتعصب و بيشوح جامد ب ايده ف بصيت قدامى و اعتبرته شخص مجنون او تعبان نفسيا !!!”.

وأضافت قائلة: “فى اللحظة دى الطريق بدأ يتحرك ف انا تجاهلته تماما و ماشية و فجأة لقيت حد خبطنى خبطة جامدة لدرجة انى خبطت فى العربية اللى قدامى ف نزلت بشوف العربية و بقول ايه ال انت عملته ده فطبعا عاقبنى على عدم استجابتي لمعاكسته من الاول و انى كمان معترضة انه يخبط عربيتى و نزل و شتم و انا فى حالة ذهول مش طبيعى و صدمة و لقيته مصمم على الشتيمة بألفاظ خارجة و اهانتى و الناس طبعا الجميله اتلمت و انا واقفة فى حالة انهيار و مش عارفة ارد عليه و مش فى دماغى غير ان انا عايزة الشرطة تجيلى حالا!!! ف طلعت الموبايل”.

المجني عليها: مسكت موبايلي كأنه سلاحي

واستكملت قائلة:”كأنه السلاح الوحيد ال اقدر بيه اثبت حقى ف قلتله والله مش هسيبك و هصورك و بالفعل بدأت اصوره زى ما هو واضح فى الفيديو كدة لقيته اتجنن و ضرب الناس اللي حيشاه و جى عليا كإنه هيضربنى ف راح شد ايدى بالموبايل بتاعى و خده منى وشتم طبعا انا فى حالة انهيار مش عارفة اتصرف و مش بعمل حاجة غير ان انا بنهار و بصوت و بقول اطلبولي النجدة حالا”.

وتابعت قائلة:الفاة “طبعا كل ده الشارع مقفول تماما و فى عز اللي بيحصل ده واحد بيستنجد بيا افتح الطريق علشان يودى والدته المستشفى و انا بنهار و بقول له انا حقى هيضيع و هو خد الموبايل بتاعى مش عارفة اتصل بحد خالص المهم الناس ركبوه العربية و انا بنهار و اقولهم والله ما هسيب حقى انا معملتلوش حاجة اصلا انا ماشية ف حالى و هو ال بيعاكسنى و خبطنى و شتمنى و كمان اتهجم عليا و خد موبايلى طبعا لقلة خبرتى لانها اول مرة تحصلى فى حياتى الناس بقت تشتم فيه و يقولوا لى روحى متبهدليش نفسك هو انسان قليل الادب”.

وأختتمت قائلة:” ف لقيت حد من الواقفين قالى متخافيش انا معايا نمر العربية تعالى معايا متخافيش مراتى فى العربية انا اتصلت بالنجدة حالا بس افتحى الطريق علشان الراجل ال عايز يودى والدته المستشفى ده و حقك مش هيروح ف اديته المفتاح و حد جيه ادانى موبايلى وانا من كتر الانهيار ال كنت فيه نسيت password الموبايل ف الناس جبولى مياه و هديت و اتصلت ب والدتى لإنها اقربلى هتجيلى بسرعة و جتلى و روحنا عملنا محضر تحرش فيه بنمر العربية و هطالب بتفريغ الكاميرات و اتمنى انه يتجاب و يتحاسب و انا مش هسيب حقى و اتمنى احس بالأمان و اخد حقى بالقانون علشان انا واحدة سايقة عربيتى و ماشية فى حالى فهل جزاتى و عقابى انى مستجبتش ليه؟!”.

مقالات أخرى قد تهمك:

شاب يحاول التحرش بفتاة ويصدم سيارتها بحدائق الأهرام.. شاهد ماذا فعلت!

«خاني مع مراتي».. ابن يذبح والده السبعيني ويمزق جسده في إمبابة (تفاصيل صادمة)