حمادة هلال عن أغنية “عيش بشوقك” لـ تامر حسني: أتاخدت مني لما انشغلت بمرض أمي

تحدث الفنان حمادة هلال، عن أغنية “عيش بشوقك” التي قام بغنائها الفنان تامر حسني، مشيرا إلى أن هذه الأغنية كانت في الأصل له واستمر في العمل عليها لمدة 6 أشهر.

وقال هلال خلال لقائه في برنامج “حبر سري” “الغنوة دي بتاعتي وأنا اشتغلت عليها 6 شهور والمؤلف والملحن عارفين ده كويس، وبعدين انشغلت في تعب أمي الله يرحمها ولقيت الغنوة راحت في حتة تانية قولتلهم الغنوة دي بتاعتي، قالوا إحنا قرأنا فاتحة مع أحمد علي الملحن”.

وأضاف ” بعد 15 يوما لقيت إن مفيش حاجة حصلت، كلمتهم وقولتلهم هي الفاتحة دي تمشي على أحمد علي وماتمشيش عليا؟ أنا كان ممكن أزعل اللي عملها وأطلع تاني يوم على السوشيال ميديا بس قولت ليه هعمل كده، يمكن لو عملت كده وحرقت دمهم ممكن ربنا يحرق دمي، كان المفروض يبقى في تنازل بس الحمد لله، وأنا مش فارق معايا الغنوة”.