«عمري ما أقدر أديها حقها»| محمد صلاح يتحدث عن زوجته.. ويفجر مفاجأة عن كواليس زواجه
عبر محمد صلاح، قائد المنتخب المصري الأول لكرة القدم، عن حبه الشديد لزوجته «ماجي صلاح»، وذلك خلال حوار تليفزيوني أذيع مساء اليوم الخميس مع الفنانة إسعاد يونس.
محمد صلاح: «ماجي وشها حلو عليا وعمري ما أقدر أديها حقها»
ففي سؤاله حول اهتمامه بماجي صلاح، أجاب «مو» في حوار تليفزيوني أذيع مساء اليوم الخميس «مهما أقول مش هاقدر أديها حقها، لأنها هي اللي بتخلي بالها من أولادنا، فهي عليها ضغوطات كبيرة جدًّا، بسبب قلة الوقت اللي بقضيه معاهم في البيت».
وأضاف صلاح: «هي بتتصرف على طبيعتها جدًا، ومش بتحب الظهور الإعلامي كتير».
وتابع محمد صلاح :«احنا من بلد واحدة، وكنا مع بعض في نفس المدرسة، وكانت العلاقة بينا دايمًا فيها مناوشات خفيفة، لكن الموضوع بقي أكتر لما دخلنا الكلية».
واستكمل حديثه: «ارتبطنا ببعض سنتين، وبعد كده اتجوزنا على طول، وكان وشها حلو عليا، لإني أول ما اتجوزنا وقعت عقدي مع تشيلسي».
وأضاف مازحاً: ملعبتش ومكانش وشها حلو عليا وقلتلها انتي السبب وزوجتى هادية بطبعها وظهورها قليل على السوشيال ميديا”.
مقالات أخرى قد تهمك:
إسعاد يونس تضع محمد صلاح في موقف محرج على الهواء.. والأخير يرد عليها بهذه الطريقة
الأزهر يكشف.. سبب تفادي محمد صلاح سقوط الخمور على جسده أثناء احتفال ليفربول بكأس الرابطة