«الحوجة وحشة».. فاروق فلوكس يكشف مفاجأة عن دوره المبتذل في فيلم وكالة البلح

حل الفنان فاروق فلوكس، الساعات الماضية، ضيفًا على الإعلامية لميس الحديدي ببرنامجها كلمة أخيرة عبر قناة ON E الفضائية، والذي كشف فيه عن العديد من أسرار حياته الخاصة.

وقال فاروق فلوكس: ” عملت أدوار بسبب الاحتياج للفلوس، لأن “الحوجة وحشة” وفي مرة والدي كان مريض  ورحنا لدكتور كبير في باب اللوق الساعة 12 بليل وكان دكتور  ” أليط ” أوي   ومكنش معايا فلوس بعد ماطلب التحاليل.

«الحوجة وحشة».. فاروق فلوكس يكشف مفاجأة عن دوره المبتذل في فيلم وكالة البلح

وتابع: ” رجعت حزين ووشي إسود  وعملت دور “دلال” في فيلم وكالة البلح عشان فلوس التحاليل”.

وعن رأيه في نجله الفنان أحمد فلوكس قال:  ” أحمد كويس جداً وفنان كويس أوي وراجل قوي وبيقف جمب أصحابه وعيبه الوحيد إن لسانه متبري  منه والناس بتزعل منه “.

وأشار فلوكس، إلى  أنه لا يمارس التمثيل منذ خمسة أعوام، ويمكث في المنزل، قائلا: “رغم أني قاعد بقالي خمس سنوات في البيت  بس زعلان  وأنا مش غني وعايش على معاشي بتاع الهندسة ومن غيره كنت هلوص”.

وتابع: “مفيش شغل بيجيني وأنا بكتب وألف وأترجم لكن في الفترة الأخيرة نظري لم يسعفني”.

اقرأ ايضا:

فاروق فلوكس يكشف عن تعرض نجله للضرب بسبب هذا العمل