تامر حسني يكشف تفاصيل تقليد صوت بهاء سلطان وسوسن بدر

كشف الفنان تامر حسني، تفاصيل تقليده لصوت بهاء سلطان وسوسن بدر من أجل إنقاذ العمل.

,قال تامر في حواره مع الإعلامية منى الشاذلي في برنامج “معكم منى الشاذلي” المذاع على قناة CBC “أغنية هو أنت تاني الناس كلها عارفة أن أنا وبهاء سلطان دة مش بهاء، اتفقت أنا وبهاء وقلت لنصر محروس كنا خارجين من قوم اقف وانت بتكلمني كان كلامي ولحني وكلمت بهاء قلتله تعالى نفاجأ نصر”.

وأضاف “قلت لبهاء هستناك في الاستوديو الساعة 12 واتفقنا وروحت الاستوديو بكلمه الساعة 12، 1، 2، 3، 4 مبيردش الساعة 8 رد قلتله هو احنا صغيرين احنا كل دة مستنينك وقاعدين”.

وتابع “رد بهاء قالي وانت كمان يا تمورة يا حبيب قلبي قلتله اه أنت نايم طيب سلام، ونصر بيكلمني بيقولي فين المفاجأة، فرحت قايل الجزء بتاعي وسجلت جملة من بتاع علشان اوصل الفكرة لنصر وقلدت صوته وقلت تراكات كتير”.

وعن رد فعل نصر محروس قال “رحت لنصر بسمعه وجت الحته بتاعة بهاء راح قايل معلم قلتله استنى يا عم أنا اللي معلم قالي قصدي الحته بتاعته قلتله دة مش بهاء اصلا وقعد يسمع كتير”.

وعن الأغنية قال “هي اتسربت وبهاء بقى يكلمني يقولي الأغنية بتطلب مني وانا مش حافظها قلتله مش عاجبه الناس خلاص غنيها”

وعن تقليده لصوت سوسن بدر في فيلم “مش أنا ” بسبب سفر سوسن بدر قال “لا أنا بتصرف وبحاول أعمل كل حاجة، جملة فين الجاكيت بتاعتك يا حسن دة صوتي أنا، فيلمي ومش هنزل الفيلم من غير صوت أنا بفهم في الأصوات وحاولت اجيب الطبقة والأداء ولما سألت اللي حواليا قالولي تمام لو كانوا قالوا لا كنت هجيب حد تاني”.

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى