تدهور الحالة الصحية للإعلامية أسماء مصطفى

أعلنت الصفحة الرسمية للإعلامية أسماء مصطفى، تدهور حالتها الصحية الساعات الماضية، بعد دخولها في وعكة منذ 10 أيام تقريبا.

ونشر المسؤول عن الصفحة الرسمية على “فيس بوك” قائلا: “أسماء ما زالت فى المستشفى فى وضع حرج وحالة غير مستقرة فضلا منكم الدعاء فضلا الدعاء اللهم انت وحدك الشافى المعافى لا شفاء إلا شفاؤك”.

تدهور الحالة الصحية للإعلامية أسماء مصطفى

وفي وقت سابق، وجهت الإعلامية أسماء مصطفى ، المذيعة بقناة إكسترا نيوز، رسالة مؤثرة لجمهورها من خلال نشر منشور جديد عبر حسابها الشخصي بموقع «فيس بوك» لتبادل الصور والفيديوهات، وذلك بعد إصابتها بمرض السرطان.

حيث قالت مصطفى: «بستغرب شوية من حالة العشم الزايد اللي طبعا محدش يقدر ينكر إن الأصول والذوق بتقول إننا نراعي مشاعر الآخرين ونقدر ظروفهم ونقف جنبهم».

وأضافت: «متلوموش حد إنه ما فضلش حزين على فراق شخص قريب أو فضل يواسي عيلته ووقف حياته محدش بيعمل كده، وده مش معناه إن مفيش غلاوة ولا حب أو تقدير، بس ده حال الدنيا، الناس بتنشغل بحياتها وتدور على الفرح، محدش بيحب النكد».

واستكملت: «محدش بيحس ولا يشيل همك غير أهلك اللي معاك تحت سقف واحد، عايشين معاك يوم بيوم، وشايفين وجعك، غير كده طبيعي كل واحد ينشغل بحياته، ومش هيفضل قاعد كل يوم يسأل عنك أو يجي يطبب عليك، متلوموش حد ودعوا الخلق للخالق، متطلبش من حد يوقف حياته علشان حد تاني، ولا تزعلوا من الأساس، اللي يقدرك ويراعيك من نفسه كتر خيره، واللي بيسأل من بعيد كتر خيره، واللي مبيسألش كتر خيره، أنا عن نفسي عمري ما بزعل ولا بلوم حد ودي نعمة».

واختتمت وكتبت: «سيبوا الناس تنبسط، محدش في الزمن ده هيدور يتعس أو ينكد على نفسه معاك، ولا حد هيفضل يشيل هم حد، العمر كله ربنا يسعد كل الناس ويهون على كل واحد همه وحزنه، ربنا العالم بحال العباد، وهو وحده اللي يقدر يصرف الكرب والهم والحزن».

اقرأ ايضا:

نقل الإعلامية أسماء مصطفى إلى المستشفى في حالة خطيرة