نجيب ساويرس يثير الجدل بحديثه عن نفقاته… ستفاجئك تكلفة وجبة العشاء (فيديو)
كشف المهندس نجيب ساويرس، رجل الأعمال، الكثير عن تفاصيل حياته المختلفة وتكاليف معيشته بشكل عام، وذلك خلال حواره مع مراسلة برنامج «صباحك مصري» المذاع عبر فضائية «mbc مصر 2»، مؤكدا أنه لا ينفق كثيرا خلال يومه، ولا ينفق كثيرا في الخروجات.
«مش بصرف كتير» نجيب ساويرس يثير الجدل بحديثه عن نفقاته
وقال نجيب ساويرس مع مراسلة برنامج «صباحك مصري» المذاع عبر فضائية «mbc مصر 2»: «مش بصرف كتير في اليوم، لأني بتغدى عند والدتي وبفطر عند والدتي، ولو خرجت في العشا بدفع 3000 أو 4000 جنيه، دلوقتي الأرقام ضربت خالص، كنا زمان بنخرج في الخروجة بـ100 جنيه و50 جنيه و30 جنيه، دلوقتي الأصفار كترت».
قيمة أول مصروف
وكشف عن أول مصروف حصل عليه في حياته كان في المدرسة، قال: «أبويا كان بيديني 2 جنيه في الشهر، وكل اللي معايا في الفصل كانوا بياخدوا 10 جنيه، بس هو كان بيدينا 2 جنيه عشان يعلمنا نبقى ناشفين، وطلع صح، لكن أولادي مش فاكر الحقيقة ومراتي هي اللي كانت بتديهم المصروف، وكانت إيديها أنشف مني لأني كنت هبوظهم الصراحة».
أكثر شيء ينفق عليه أمواله
وعن أكثر الأشياء التي ينفق عليها أمواله، قال «الملابس أنا بحب ألبس خاصة التيشيرتات والعربية أنا مش بصرف كتير»، وأشار قائلا: «لا يهمني رأي أحد، أهتم برأيي الشخصي فقط، لو أنا سعيد تمام، ولو حد مش عاجبه ميبصش»، مؤكدًا في الوقت نفسه أن هناك حدودًا لأسعار الملابس التي يشتريها.
وتابع قائلا: «بشوف سعر اللبس قبل ما أقيسه عشان أوفر وقتي لو غالية، لكن أولادي مامتهم ماسكة عليهم أوي مبيشتروش حاجة ماركة، أنا بحاول أبوظهم وهي بتمنعني، وبركة ربنا إن الأم خافت يبوظوا فشدت جامد وجابت نتيجة كويسة».
مقالات أخرى قد تهمك:
أول تعليق من عائلة ساويرس بعد حريق «الجونة السينمائي».. فجرت مفاجأة
«مطبوع عليه بطوط».. سعر خيالي لتيشيرت نجيب ساويرس بأحدث ظهور (صور)