خناقة نارية بين محمود الليثي وأشهر بلوجر على «السوشيال ميديا»

مشادة كلامية حادة شهدتها مواقع التواصل الاجتماعي، الساعات الأخيرة، بين الفنان محمود الليثي والبلوجر مريم سيف.

بدأت القصة بمنشور لمحمود الليثي يصف فيه مشاهير مواقع التواصل الاجتماعي بأن ليس لديهم مهنة حقيقية بعد تعطل معظم التطبيقات مساء أمس.

خناقة نارية بين محمود الليثي وأحد مشاهير «السوشيال ميديا»

من جانبها، ردت  مريم سيف، بمنشور عبر خاصية القصص المصورة بحسابها على Instagram، وكتبت “معلش يا أستاذ محمود الفاضل وأنت كنت إيه لما طلعت واللي شهرك اليوتيوب وبعدها بقيت ممثل؟”.

وتابعت: “وبعدين متنساش إن الممثلين دلوقتي لما بينطفوا مرة مبيرجعوش تاني وأنت شغلانتك إيه؟ مش قدام الكاميرا زينا ولا إيه؟ ولو الكهربا قطعت بتنطفو أنتو كمان ولا إيه النظام؟”.

وأضافت: “قالك أنفلونسر مش شغلانة ع الأقل احنا لينا نفع عنكم والله.. طب خلي ممثل كبير يتكلم طيب يا جدع مش كده.. أنا قولت محمود حميدة بيتكلم مثلًا اتخضيت لما لقيته محمود الليثي”.

من جانبه، خرج محمود الليثي عن صمته ورد عليها بمنشور جديد، وكتب : “بصي يا أستاذة ياللي مش عارفك أولًا أنا مغلطش فيكي لشخصك وأنت غلطي فيا.. ثانيًا أنا ليا أصحاب كتير أنفلونسر وأشهر منك بمراحل أخدوا الموضوع بهزار عادي دا لأن فعلًا دي مش شغلانتهم الأساسية.. ثالثًا لو أنت شايفة إن الممثل مش بينفع الناس وأنت بتنفعيهم فدا قلة فهم منك ودا مش هلومك عليه عشان دي حاجات مينفعش نشتريها.. بنتولد بيها”.

وأضاف: “رابعًا كونك تقول دا مكنش معاه 10 جنيه يركب مترو وتتريقي على دا.. فدا مصدر فخر ليا إني كنت أمل لشباب كتير إنهم يبدأوا من الصفر وينجحوا.. ورحلة كفاح انبسط إن الناس تعرفها.. خامسًا الفن دا مهنة زيه زي الطب والهندسة ولو حضرتك بتقرأي في التاريخ هتعرفي إنه موجود من يوم ما اتوجدت الحضارة وغير شعوب، عمل ثورات مش مرتبط بالكهرباء زي ما بتقولي”.

واختتم الليثي: “وأخيرًا لو الأستاذ محمود حميدة شاف كلامك دا كان هيخليكي تعتذري للفن والفنانين كلهم اللي بتقللي من دورهم وكان هيفهمك ازاي تتكلمي بأسلوب راقي عن كدا”.

اقرأ ايضا:

محمود الليثي يعلن إصابته بفيروس كورونا.. ويفجر مفاجأة بشأن الحالة الصحية لزوجته ووالدته (شاهد)