فيفي عبده تثير الجدل بتصريحاتها عن الزواج: «كنت فاكرة الناس بتخلف من ركبها»

حلت الفنانة فيفي عبده ، كضيفة مع الإعلامية وفاء الكيلاني في برنامج السيرة عبر شاشة dmc، وكشفت عن الكثير من الأسرار عن حياتها الشخصية ومراحل الطفولة والمراهقة والأجواء التي كانت تعيش فيها.

فيفي عبده: أمي كانت بتضربني بالكرباج

حيث قالت فيفي، خلال البرنامج، أن تربية والدتها كانت قاسية للغاية موضحة بأن والدتها كانت تضربها بالكرباج السوداني، وعلقت على هذا الأمر وقالت: «لما أبويا أتجوز على أمي بقيت هي الست والراجل.. كان قلبها بيتقطع علشان ست خدتها من أبويا، كانت بتضربنا أنا وأخواتي بالكرباج السوداني».

وتابعت قائلة :«مرة لما رجعت من برة لقيتها ضاربة أختي ومكتفاها بعنف فظيع، اضطريت أفك أختي اترزعت حتة علقة، مع إني كنت طيبة أوي مش نمرودة أي حاجة بقبل بيها».

فيفي عبده: «لحد ما اتجوزت كنت فاكرة الناس بتخلف من ركبها»

وأثارت فيفي عبده الجدل بشأن تصريحاتها عن الزواج، فقالت:: «أمي ما كنتش تقعدنا مع ناس كبار بيتكلموا وأنا عندي 10 سنين ما كنتش عارفة اسألها إحنا جينا إزاي، ولحد ما اتجوزت كنت فاكرة الناس بتخلف من ركبها.. هي فهمتنا كده، ما كنش فيه البجاحة اللي موجودة دلوقتي.. ما كنش فيه الميديا زي دلوقتي».

مقالات أخرى قد تهمك:

حقيقة نقل فيفي عبده إلى المستشفى لإصابتها بأزمة صحية مفاجئة

ابنة فيفي عبده تفاجئ الجمهور بتعليقها على فيديو «الفوطة» لوالدتها