حالة من الجدل الواسع، شهدتها مواقع التواصل الاجتماعي، الايام الاخيرة، بعد تداول أنباء بنشوف مشاجرة وخلاف كبير بين الفنانة ياسمين عبد العزيز، وزوجها الفنان أحمد العوضي.

وكان صاحب ظهور هذه الانباء على السوشيال ميديا، هو الصحفي أيمن نور، والذي نشر مقال يقول فيه أن خلاف نشب بين الثنائي، وأسفر عن انفصالهما، مشيرًا إلى طلب ياسمين عبد العزيز الطلاق من العوضي.

طردته من المنزل.. كشف سر خناقة ياسمين عبد العزيز والعوضي

وذكر نور، أن لهذا السبب لم يسافر العوضي معها خلال رحلة سفرها إلى سويسرا لإستكمال علاجها بعد الوعكة الصحية التي لحقت بها مؤخراً.

كما ذكرت الانباء ، أن ياسمين طلبت من شقيقها أن يذهب للعوضي ويطلب منه مغادرة منزلها بالمعادي، ولكن العوضي رفض ترك المنزل، ولا طلاق زوجته ياسمين.

من جانبه، خرج العوضي عن صمته، ورد على الصحفي أيمن نور، قائلًا :”والنبي يا ايمن بطل هبد الله يرضي عليك … الحكاية مش ناقصة هبد”، ليرد عليه أيمن قائلا:” مش هبد يا أحمد أنا واثق من كل كلمة فى المقال وفي جميع الأحوال باتمنى شفاء ياسمين واصلاح الأحوال جميعها”.

ورد العوضي ليرد عليه قائلا:” لا اللي قالك ضحك عليك .. وياسمين لسه مراتي ومفيش ربع كلمة صح من اللي أنت قلته، واللي انت بتقوله مش صح .. ومتحطش السم في العسل .. وعشان مظلمكش او اللي قالك ضحك عليك .. فلو اتقالك فابقي اتأكد من الكلام بعد كده .. ولو انت اللي بتخمن فانا بقولك غلط”.

وعلى جانب آخر، أثار وائل عبدالعزيز شقيق ياسمين عبدالعزيز الجدل وحيرة متابعيها بالرد على الحساب نفسه: «راعي تعب ونفسية ياسمين من فضلك»، مما أثار حالة من الجدل لعدم التمييز ما بين أن هذا التعليق على تعليق الإعلامي المروج للشائعة، أم على تعليق العوضي الذي نفى شائعة الانفصال.

ومنذ بداية الإعلان عن مرض ياسمين عبد العزيز، ويرسل العوضي لها رسائل حزينة، حيث كتب: “يمكن ببان قدامكم دايما قوي .. لكن الحقيقة أنا دلوقتي أضعف إنسان علي وجه الأرض عشان أنا روحي مش معايا … أنا ضعيف جدا من غيرك إنتي لازم تبقي كويسة ولازم تقومي بالسلامة … أنا لأول مرة أكتب من غير ما أكون مفكر أنا بكتب إيه وهكتب إيه … بس انتي هتقومي إن شاء الله بإذن الله عشان إنتي وعداني وعد وهتتفذيه”.

وتابع قائلًا: “انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره … وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك”.

واختتم أحمد العوضي، حديثه قائلاً: “قومي عشان انا بحبك… بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا … اكتر بكتير حتي من الموقف اللي احنا فيه دلوقتي .. انا بحبك .. ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم”.

اقرأ ايضًأ:

بعد أنباء الانفصال.. طليق ياسمين عبد العزيز يفاجىء الجمهور بهذا الفعل