حالة من الجدل الواسع أثارها مؤدي المهرجانات حمو بيكا، الساعات الماضية، بعد توجيهه مجموعة من النصائح لطلاب الثانوية العامة، بعد ظهور النتيجة.

وكتب حمو بيكا، عبر حسابه الرسمي على Facebook،: “الف مليون مبروك لاخواتي وحبايبي.. اللي نجحو في الثانويه العامه وان شاء الله تحققو كل احلامكم وهاردلك لكل اللي منجحوش قدامكم لسه بدل الفرصة الف فرصة تعوضو وتحققو كل اللي بتتمنوه”.

وفوجىء حمو يكا بهجوم ناري شن عليه من جانب الجمهور، الذي اتهمه بالجهل والفشل،ا في التعليقات والتي جاء أبرزها :” مبقاش غيركو ال ينصح الطلبة، انتو سبب الفشل”.

وصلة «ردح» بين حمو بيكا والجمهور بسبب الثانوية العامة

من جانبه، رد حمو بيكا على الهجوم الموجه إليه وكتب :” بتقولو عني جاهل ومش متعلم .. مع ان دي حاجة  انا عمري ما انكرتها ولا حتي خبيتها علي الناس ومن يوم ما ربنا كرمني واتشهرت وبقي ليا جمهور  بس هرجع واقولكم تاني انها حاجة مكنتش بايدي “.

واضاف بيكا ” انت بقي يا “متعلم “  التعليم علمك انك تقعد تعاير الناس بعيوبها؟  التعليم علمك ان تفضل تتنمر علي خلق الله ؟  التعليم علمك انك مباح ليك الشتيمه في حد هو اقل منك في شئ؟  اكيد لا فمتجيش من ورا شاشه وكيبورد تعمل فيها عم الناصح ”.

وتابع بيكا، :”انت اصلاً موركش حاجة تعملها !  انا متعلمتش ومنولتش الشرف الكبير ده بس اتعلمت حاجات كتير في الدنيا انت متعلمتهاش لسه اتعلمت احترم الكبير والصغير .. اتعلمت اشقي واتعب من صغري اتعلمت اني مغلطش في حد .. اتعلمت حاجات كتير جداً في حياتي انت عمرك مهتتعلمها طول ما انت باصص للناس ..!”.

اقرأ ايضا:

شقيق ياسمين عبد العزيز يثير قلق الجمهور.. هل تدهورت حالتها الصحية؟