سر سيدة زارت دلال عبد العزيز في لوكيشن التصوير.. تصرفها فاجىء الجميع

كشفت هبة يسري، مؤلفة ومخرجة مسلسل “سابع جار”، عن موقف حدث للفنانة دلال عبد العزبز أثناء تصوير المسلسل.

وكتبت هبة، في منشور جديد من خلال حسابها الرسمي على “الفيسبوك”، :”…في إحدى المرات كنا بتصور في مصر الجديده لقيت حد بيكلمها كل شويه بيسأل عن المكان و جاي لقيتها بتقولي دي بنت بتتفرج عليه و عايزه تشوفني عشان مامتها اتوفت قريب و وحشاها”.

وتابعت  :” اتأثرت شويه بس كنا شغالين و مدام دلال طلبت شويه وقت لغايه ما البنت تيجي … وصلت بنت بسيطه محجبه شايله بيبي ميكملش ٣شهور و جايلها من مكان بعيد جدا عشان بس تشوفها اول ما البنت شافت مدام دلال عيطت جدا و فضلت تحاول تمسك نفسها بس مقدرتش و انهارت في العياط”.

دلال عبدالعزيز
دلال عبدالعزيز

سر سيدة زارت دلال عبد العزيز في لوكيشن التصوير.. وهكذا تصرفت معها

وأضافت :”ساعتها دلال خدتها في حضنها و فضلت تطبطب عليها و البنت تعتذر مكسوفه عشان ماتبقاش بتبشر بحاجه وحشه ودلال تقولها عيطي ولا يهمك و تدعيلها و قالتلها ما انا كمان ماما ..مش انا برده ماما البنت قالتلها انا عايزه اوريكي بنتي عشان ماما ملحقتش تشوفها خدتها و لاعبتها و اتصورا مع بعض و البنت قالتلها أن ده احلي يوم في حياتها و شكرتها و مشيت”.

وأكملت : “دلال كملت تصوير عادي بنفس روحها و كأنها بتعمل ده علي طول .. البنت طلبت مني اصورهم و انا فضلت اتفرج و اشوف اد ايه البنت البسيطه اللي جايه من مشوار طويل نزلت فرحانه و مبسوطه بحاجه بسيطه جدا دلال عبد العزيز عملتها منغير ما تفكر و لا تتردد”.

عقب رحيلها.. سر سبحة عمرها 25 عاما لا تتركها دلال عبدالعزيز
عقب رحيلها.. سر سبحة عمرها 25 عاما لا تتركها دلال عبدالعزيز

واختتمت :”ده موقف كان ليا حظ اني أحضره و عمرى ما شوفتها حكته لحد أو في برنامج او اتكلمت في الموقف لما خلص….يمكن مكانتش عايزه تحكي علي وهبه ربنا لها في حب الناس و قدرتها علي أسعادهم لكن هي دلوقتي تستحق الناس تعرف بجد هي اد ايه انسان نادر و بالذات أنها احتفظت بأنسانيتها و بأمومتها في حرب الفن و الظهور و النرجسيه اللي بتصيب الفنان مهما كان قوي و ثابت لكن الأضواء ليها مفعول سحري بيغير الناس إلا دلال عبد العزيز”.

اقرا ايضا:

آخر كلمة قالتها دلال عبد العزيز لـ دنيا سمير غانم.. وبكاء هستيري من إيمي

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى