بعد العثور على صورتها وبها طلاسم.. يوتيوبر شهيرة تكشف تفاصيل تعرضها للسحر

واقعة صادمة تعرضت لها اليوتيوبر الشابة مي عبد الرحمن، حيث كشفت إحدى صديقاتها تفاصيل العثور على «عمل سحر مدفون» يحمل اسمها وبصورتها وهي ترتدي القميص الخاص بفريق نادي الإسماعيلي.
وأشارت التقارير إلى أنه خلال إحدى عمليات التطهير التي تقوم بها الأجهزة المحلية في منطقة المقابر، عثر بعض الأشخاص على صورة الشابة مي عبد الرحمن.
«اخترت عشيقي وقتلتهم بالسم».. مفاجأت صادمة في اعترافات قاتلة أطفالها وزوجها بقنا
رزان مغربي تستعرض أنوثتها بإطلالة جريئة في أحدث ظهور (صور)
ومن جانبها، كتبت صديقة مي عبد الرحمن عبر حسابها الشخصي على موقع التواصل الاجتماعي «فيسبوك»، قائلة: «الصور دي هتكون صدمة لناس كتير أوي، القصة بدأت من حوالي 3 أسابيع، أنا ومي كنا مترددين نقول أو منقولش».
وتابعت صديقة مي عبد الرحمن: «الحقيقة لحد لما توصلنا لقرار نقول بس استنينا العيد يخلص، الحقيقة من حوالي 3 أسابيع مسدج اتبعتت على صفحة على فيس بوك فيها صورة ومسدج مع الصورة مكتوب فيها إن كان فيه حمله تطهير للمقابر من الأعمال المدفونة في مدينة أبو كبير محافظة الشرقية».
وتابعت: «لقوا الصورة دي ومعمول عمل للبنت صاحبة الصورة وأنهم بعتوها على صفحات إسماعيلية لأن البنت في الصورة لابسة تيشيرت الإسماعيلي وهما ميعرفوش مين دي، الأدمن محمد الورواري عرف مي طبعا من الصورة لأنه متابع فيديوهاتها هي وشمبر، وعارف مي كويس، ليتواصل مع أدمن الصفحة بتاعة مي وكلمهم، أنه عاوز رقم مي علشان يكلمها، وتم التواصل مع مي، وكانت صدمة مي أول لما عرفت كلمتني اليوم ده».
وكشفت صديقة اليوتيوبر أنها تعرضت لسحر، موضحة: «كانت صدمة بالنسبة لينا أحنا الاتنين، لأن أحنا كنا دائما بنهزر في الموضوع ده ونتكلم أنا وهي كده في لحظات الصفا اللي هو يابنتي كل الناس عمالة تتجوز أكيد أنا وأنتي معمولنا عمل، وكنا بنهزر دايما في موضوع الأعمال دى مكناش متخيلين أن الموضوع قلب جد وأن فيه عمل معمول لـ مي».
وواصلت: «أنا كنت اكتشفت أن أنا كمان معمولي عمل وكأننا صبرنا ونولنا باين ولا إيه المهم العمل ده الناس أصحاب الحملة مشكورين وربنا يجازيهم خير فكوه العمل ده عمل سفلي كان ييتجدد كل شهر الحمدلله العمل ده أنفك بس لسة في عمل كمان أحنا مش عارفين مكانه زي مانتو شايفين مكتوب ع الصورة مرض وكره وحاجات كده كتير، طبعا هتقولوا مي سليمة مفيش فيها حاجة هقول لك شوية عن الحاجات اللي في مي».