إكرامي: بحب رمضان صبحي أكتر من الأهلي.. ولو راح الزمالك هدبحه

قال إكرامي الشحات، نجم النادي الأهلي والمنتخب الوطني السابق، إنه أكد من قبل أنه يريد فوز الأهلي وفي نفس الوقت لا تهتز شبك ابنه «شريف» أثناء وجوده حارسًا لبيراميدز، مضيفا: «تحصل ازاي بقى معرفش، معادلة صعبة»، متابعا بقوله: «كنت واثق إن الأهلي لن تسكن شباكه بالهدف الثاني أمام بيراميدز، وصُدمت لحظة هدف التعادل، الذي أحرزه إيريك تراوري من خطا لمحمد الشناوي».

إكرامي الشحات: بحب رمضان صبحي أكتر من الأهلي

وأضاف إكرامي في تصريحات تلفزيونية عبر شاشة «mbc» في برنامج « اللعيب»: «عمري ما هحب حد أكثر من أولادي، رمضان حالياً ابني، طبعاً أحبهم أكثر من الأهلي، ابعد ولادي عن الموضوع يبقى الأهلي حياتي، هل هحب الأهلي أو بيراميدز أكثر من أولادي؟، لو قلت غير كده، اللي بيتفرج عليا يقول إني مجنون، في فرق بين ولادي وكيان الأهلي».

إكرامي: لو رمضان صبحي راح الزمالك «هادبحه»

وأكمل إكرامي الشحات: «لو رمضان صبحي راح الزمالك هادبحه، ده ابني، وفي دي اتحكم في مصيره، رمضان وشريف مش هيلعبوا في الزمالك، لأن مينفعش ده مع عائلة إكرامي».

رقص شيكابلا والونش ونجوم الزمالك في حفل زفاف يوسف أوباما (فيديو)

واختتم إكرامي تصريحاته قائلاً: «رمضان صبحي جوز بنتي اللي متربي في الأهلي مينفعش يلعب في الزمالك، ومين اللي بيقول رمضان زملكاوي؟، لو اتفاوض مع الزمالك من غير ما يقولي هو حر بس هيخسرني، ورمضان معجون بحب الأهلي».