ريهام سعيد تكشف قصة مرعبة عما فعله الجن بها في غرفة النوم

أثارت الإعلامية ريهام سعيد حالة من الجدل، وذلك في أحدث ظهور لها مع المخرجة إيناس الدغيدي في برنامج «شيخ الحارة والجريئة».

وخلال اللقاء، تحدثت ريهام سعيد، عن كواليس حلقتي الجن والعفاريت التي قدمتهما في برنامجها «صبايا الخير» على شاشة «النهار».

عملية تجميل فاشلة تشوه وجه إعلامية عربية شهيرة.. والجمهور يرد: «شكلها يخوف» (شاهد)

فيديو جديد لـ خالد مقداد مؤسس طيور الجنة داخل العزل.. لن تصدق كيف أصبح شكله

وقالت ريهام سعيد: «عندنا غرفة مونتاج في قناة النهار محدش بيدخلها غيرنا، وبنقفلها بمفتاح وإحنا اللي بنفتحها، كنا راجعين من أوردر كان في قرية بتولع لوحدها والولعة بتروح لوحدها».

وأضافت ريهام سعيد: «وإحنا راجعين المصور مكانش أكل أي حاجة، وفجأة لاقينا بطنه كبرت أوي، واتنفخت بطريقة مرعبة وقعد يقول إنه شاف جن، وعرق جامد، أنا بقى قولتله إيه العبط ده، لما روحنا القناة لاقينا الماتريال كلها اتمسحت وحاولنا بكل البرامج نرجعها معرفناش».

وأشارت الإعلامية، إلى أنه في اليوم التالي، رجال الأمن ابلغوا إدارة القناة بأنهم سمعوا أصواتا وصريخا من غرفة المونتاج، كما أن البعض ذكر لها أنها «معمول لها عمل سُفلي»: «فعلا قالولي كدة، وعشان كدة حالي واقف فعلا من 5 سنين، أنا مكنتش مصدقة ده أبدًا، بس كل ما أقابل شيخ يقولي معمولك عمل سُفلي»، موجهة حديثها لـ«شيخ الحارة»: «تعرف تفك العمل ده»، ليرد مازحًا: «لا .. ده أنتي عاوزه دجال».

فيما قالت إيناس الدغيدي، «لا العمل السفلي بيتحل بعمل سفلي تاني»، بينما روت الإعلامية ريهام سعيد موقفا تعرضت خلاله للضرب من الجن في إحدى البلاد العربية، حسب حديثها، عندما كانت تقدم مسرحية مع عماد رشاد والفنان أحمد بدير: «وأنا نايمة في الأوضة بتاعتي في الفندق لاقيت حد بيضربني بالطوبة في ظهري، نزلت جري وحكيت لعماد رشاد، مسح بيا الأرض تريقة».

وتابعت: « تاني يوم رفضت أدخل أنام وقولت هستنى لحد ما أسافر، لاقيت عماد رشاد الساعة 3 الصبح نازل يصرخ بيقول إن فيه جن صحاه من النوم، وقعد يوصف ظوافره وقرونه وقالي خد الساعة بتاعي».