شاهد.. رجب بكار يدعم المهدي سليمان ويفتح النار على مدرب بيراميدز
أكد رجب بكار، الظهير الأيمن لفريق بيراميدز المعار إلى صفوف سيراميكا كليوباترا، دعمه لزميله في صفوف بيراميدز المهدي سليمان في أزمته مع ناديه التي أعلن عنها مؤخرا.
ونشر رجب بكار عبر حسابه على فيس بوك اليوم الثلاثاء “مش من العادة إني اتكلم في حاجه ما تخصنيش ولكن هنا لازم أقول كلمة حق لآني مريت بالي بيعيشوا واحد من أحسن الحراس في مصر وهو المهدي سليمان”.
وأضاف رجب بكار “هنا أقول للمدير الفني أنك كذاب وبتأخد أوامر مش تعليمات عشان خايف على أكل عيشك زي اللي قبلك في وجود هذه الإدارة واللي اتصدمت في أشخاص ليها باع وتاريخ في مصر ولكن للأسف بردو بتاخد تعليمات.. الأهم والمهم مهدي سليمان عنده حق في كل اللي قالوا وده مش دفاع والله عنه ولا اصطياد مني أنا ليا وقت وهقول كل اللي حصل لأني مينفعش منظومة بالحجم ده تُدار بالسوء ده”.
وتابع لاعب بيراميدز المعار إلى سيراميكا كليوباترا “وللعلم الأغلب في الفرقة لعيبة كبيرة وعارفة الدنيا ماشية إزاي بس للآسف الملاك في النادي مش فاهين ولا حد مننا عارف يتواصل معاهم عشان الكل يطلع اللي عنده لأني في كبت عند ناس كتيرة موجوده في المنظومة دي؟.. وعمرو مرعي عنده أكتر مني بكتير وناس كتير تنصحني وتقولي لا وده أنا مقدرهم لخفهم عليا ولكن كلمة الحق ومساندة صديق ليا أهم بكتير من أي حاجة عندي وربنا يعلم ما في القلوب”.
ويأتي حديث رجب بكار بعد حديث المهدي سليمان حارس مرمى بيراميدز والذي كشف في تصريحات تليفزيونية ما اسماه بـ”الاتفاق والصفقة” التي حدثت ضده داخل فريقه بين شخصين رفض الإفصاح عنهما صراحةً، للاطلاع على باق التصريح.
وجاءت تصريحات المهدي بعد الرسالة الغامضة التي نشرها عبر حساباته على مواقع التواصل الاجتماعي، حيث قال “نفذ الوقت ونفذ الصبر ونفذت كل سبل الاحتمال، الكلام في الوقت المناسب بدون حساب وإظهار كل الحقائق المدفونة قهرا وظلما.. لقد طفح الكيل وفاض”.
