أول تعليق لفتاة ميت غمر على الحكم ببراء المتهمين في واقعة التحرش بها

في أول تعليق لها على حكم البراءة على المتهمين في واقعة التحرش بها، خرجت بسنت محمود، الشهيرة إعلاميا بـ«فتاة ميت غمر» عن صمتها لتنتقد الحكم.

ومن خلال حسابها الشخصي على موقع التواصل الاجتماعي «فيسبوك»، قالت بسنت محمود: «أنا بسنت، أو “فتاة ميت غمر”، زي ما أطلقوا عليا المواقع الإخبارية من شهر ديسمبر اللي فات».

تطور جديد في قضية طفل المرور.. وهذا ما طلبه والد المتهم من النيابة

أبناء إسعاد يونس يخطفان الأنظار في أول ظهور لهما.. لن تصدق حجم الشبه بينهما (شاهد)

وأضافت بسنت محمود: «أنا طول الفترة اللي فاتت ما كنتش بظهر خالص وكنت مستنية نتائج المسار القانوني لقضيتي (هتك عرض وتحرش جنسي جماعي)، من قبل 7 أشخاص بمدينة ميت غمر، على أمل إن حقي يرجع في واقعة تم تسجيلها على كاميرات المراقبة في المنطقة، والنتيجة أخدوا براءة».

واستطردت «بسنت»، «4 شهور وأنا منتظرة حقي يرجعلي، خلالهم تم تهديدي أكتر من مرة بالقتل والتشويه والاغتصاب، وتم التشهير بيا وبحياتي واستخدام صوري الشخصية اللي كانت موجودة على حساب شخصي وبرايفت، وتم الضغط عليا ومحاولات لمساومتي أكتر من مرة على فلوس علشان أتنازل عن القضية، تم ابتزازي من خلال محاولة تحرير محامي المتهمين قضية كيدية ضدي، تم نبذي من المكان اللي عشت فيه طول عمري وكنت ومازلت خايفة أروح بيت أهلي».

وتابعت: «4 شهور وأنا مش حاسة غير بمشاعر رعب وقلق وظلم وإهانة، مش عارفة أفكر في حاجة غير الحادثة، حتى وأنا نايمة بحلم بالحادثة، حياتي واقفة تماما، مش عارفة أفكر، مش عارفة أنام، بخاف وأنا خارجة الشارع، بخاف وأنا قاعدة في بيتي ومش حاسة إن في أي مكان في الدنيا ممكن يبقى آمن عليا مرة تانية، مش عارفة أتعامل مع آلامي النفسية واللي نتج عنها آلام جسدية، رغم كل محاولات الضغط عليا للتنازل رفضت وقررت اكمل في القضية، قررت أتجاهل كل الأصوات وأستجيب لنداء النيابة العامة بإن الست اللي تتعرض لانتهاك تروح تبلغ وحقها هيرجعلها».