بعد فشل مشروع زواجها.. سالي عبد السلام تبكي على الهواء وتكشف التفاصيل
كشفت الإعلامية سالي عبد السلام أنها كانت على وشك الزواج هذا الشهر، ولكن التجربة فشلت لأن الرجال يرفضون تحمل المسئولية ولا أمان لهم،.
وأكدت أن دموعها في الحلقة ستجعلها تنام الليلة وهي سعيدة لأول مرة منذ أيام طويلة.
وقالت سالي عبد السلام خلال تقديمها برنامج “قصة حقيقية”، عبر شاشة القناة الأولى المصرية إنها كانت تمر بحالة نفسية سيئة خلال الفترة الماضية، مشيرة إلى أن أصدقاءها وأهلها كانوا الداعم الأول على تخطيها تلك الأزمة.
تابعت قائلة: كتير كنت باجي التصوير الفترة اللي فاتت معيطة، وبالذات الشهر ده لأني كنت ممنية نفسي إن هيتكتب كتابي وأتجوز، بس الموضوع ممشيش لأن أغلبية اللي بنعرفهم مبقوش قد المسؤولية ومبقوش رجالة ولا ليهم أمان.
أضافت: يمكن ربنا خد مني حاجات كتيرة أوي وماكنتش متخيلة أنها تتاخد مني وفي الوقت ده، بس أنت عوضتني يا الله ومش عاوزة حاجة تانية.. شكرًا على ثقتكم وعلى جبر خاطركم وشكرًا أني رجعت أشتغل في بلدي تاني، شكرًا أني لو هيتقال في يوم من الأيام أني عديت جمب ماسبيرو.. ده كتير عليا أوي يا رب، شكرًا أن كل اللي حواليا رزق.
وواصلت قائلة: عاوزة أشكر كل واحد في البرنامج وكل القائمين عليه، أنا حاسة إن النهارده ربنا جبر بخاطري جامد أوي.. أني أسمع الرقم ده، هي دي الحقيقة وهي دي القصص الحقيقية، هو ده اللي بنعمله في الحياة وبنستناه في الآخرة.