شاهد..مرتضى منصور يهاجم رموز الزمالك من جديد..ويصف عمرو أديب وأحمد موسي بمزبلة التاريخ

وأضاف: انتوا عملتوا ثورة غضب على موقع التواصل الاجتماعي بشكل متحضر، وبشكرهم لثاني مرة على وقوفكم بجواري.. وببارك لجمهور الزمالك العظيم لمرور 110 سنة على إنشاءه.. والزمالك هرم رابع في مصر وهو خوفو وخفرع ومنقرع.. وكان فيه تعليمات في نهائي افريقيا أن مرتضى ميقفش على خشبة التتويج وغيروا حكم رابع عشان الزمالك ميخدتش البطولة، وعدم حصول الزمالك على البطولة كانت بتعليمات انا كلامي واضح كانت بتعليمات وعملوا اللي هما عايزنه وفارز الأهلي باللقب

وتابع: بحب أشكر جماهير الأهلي أيضًا اللي الكثير منهم كلموني ودعموني وبيسلموا عليا في الشارع وبيتعاملوا معايا بصورة كويسة جدًا.. شيء ممتع أن الزمالك له منافس زي الأهلي.. وجمهور الزمالك عمل ملحمة عظيمة وما حدش نزل الشارع ولا أحد حاصر الوزير ولا أحد راح له بيته لأنهم ناس متحضره عملوا ثورة للوقوف بجاني والدفاع على نادي الزمالك العظيم والكبير على الفيسبوك.. بس عايز أسال على حاجة ليه بنستجيب لمطالب ناس كتيرة في مصر وجمهور الزمالك لا .”

نكشف تفاصيل مفاوضات الزمالك مع علي غزال

وأكمل: جمور الزمالك عظيم وهناك إعلاميين منافقين وكذابين ووزير الرياضة عايز يوقع بيني وبين رئيس مجلس الوزراء .. انا بالفعل انتقدته من قبل ولكن إنسان أقدره وأحترمه.. وبقول لبعض الإعلاميين لما مرتضى منصور يتكلم بالمستندات كلكم تخلصوا ومحدش يتكلم يا كدابين.. ويا أيمن يا يونس مش هسيبك وهجيلكم نادي الزمالك وهردطم كلكم ومش عايز أشوف وشك تاني وبقول لنفسي خليني مؤدب بس لقيت رد الفعل بتاعهم غير محترم .”

واستطرد: احمد عفيفي اللي مشغله اللي انا بحبه واحرمه ومشغله في القناة المفروض أول ما يطلع يشكرني عشان رجعته القناة.. وكان المفروض يدافع عن الرئيس الشرعي للكيان.. انت مش فن وهندسة الفن والهندسة دا كيان وله رئيس دافع عن رئيسك لأنه هو المنتخب من قبل الجمعية العمومية والناس جابت،  بقول لعمرو أديب وأحمد موسى إلى مزبلة التاريخ وكلامك عني لا له قيمة، انتم أراجوزات وانا مكسوف لكم .”

واختتم: قناة الزمالك أصبحت مخطوفة ولم يعد لها علاقة بالنادي.. وبات القائمون عليها يهاجمونه، رغم أنه هو من أنشأ ذلك الحلم.. لقد أزلت تردد القناة حتى لا أشاهد ما يحدث.. وعايز أقول لعمرو أديب وأحمد موسى أنا مش رقاصة عشان كل شوية أميل في اتجاة حسب المصلحة

يذكر أن وزارة الشباب والرياضة أعلنت، في بيان سابق، حل مجلس إدارة نادي الزمالك برئاسة مرتضى منصور، وتعيين لجنة مؤقتة لتسيير شئون النادي.