بعد فضح أسرارها الزوجية.. زوجة تامر عاشور تتتراجع: هي مش حرب

بعد تصريحاتها التي فضحت فيها الكثير من أسرارها الزوجية سعت سمر أبو شقة زوجة المطرب تامر عاشور للتخفيف من كلامها الذي جددت فيه إصرارها على طلب الطلاق.

سمر قالت إنها ترفض اتهامها بالسعي وراء “الترند” و”تسويق نفسها” على حساب سمعة زوجها وابنتها، وقالت ان كل ما قالته صدر عنها بشكل عفوي وردا على أسئلة متابعيها، وبنفس الوقت نفت تماما حدوث الطلاق بينهما سابقا.

وأصدرت سمر أبو شقة توضيحًا عبر حسابها بموقع إنستجرام قالت فيه: أنا وتامر هنفضل نحترم بعض لأن في بينا عشرة وفي بينا بنتنا أيام اللي هتفضل رابط بينا طول العمر.. واللي أهم ليا أنها أن شاء الله تكبر متلاقيش أي حاجة تضايقها وتلاقي كل هدوء..

وتابعت: الموضوع لا ترند ولا شو ولا أي حاجة غير حقيقة وحاجة بتحصل كل يوم بس بيحصل اللي حاصل لما يبقي حد مشهور

وأضافت: إحنا اه منفصلين مش مطلقين ولا اطلقنا.. .ومرينا بمشاكل زي أي ناس طبيعية ..اتفقنا أو اختلفنا بتحصل يعني وبغض النظر عن مين غلط ف حق مين وازاي.. ولكن مهما حصل مفيش حد هيقبل أن يحصل تجريح للتاني ف اللي جاي

وأضافت: أنا رديت على اسئلة الاستورى بعفوية وبطريقتي اللي عمرها ما هتتغير وعاااااادي جدا بس للاسف في مواقع حطت عناوين غلط علشان تشد وتزود التفاعل عندها وخلاص..

واستطردت: وعلي فكرة كلامي كان واضح وبسيط وموجود لحد دلوقتي مشلتوش على بروفايلي هنا.. ومقولتش أي حاجة غير الحقيقة اللي حصلت ببساطة وكان ظاهر منها ٨٠ % أو اكتر من غير أي شرح…ومنعا للمهاترات هي مش حرب مع ابو بنتي ولا عمرها هتكون

.