ظلمني وطردني.. رضا حامد يروي مواقف صعبة مع عادل إمام

وجه الفنان رضا حامد اتهامات للنجم الكبير عادل إمام مدللا على صحتها ببعض المواقف التي حدثت بينهما.

حامد اتهم إمام بأنه ظلمه وتسبب في تجاهل موهبته وذلك خلال حديثه في برنامج 90 دقيقة الذي يقدمه الإعلامي أسامة كمال.

الفنان المصري قال: أنا كنت بشتغل مع الأستاذ عادل إمام، وحققت نجاحا كبيرا معاه في المسرح وعملت بعدها معاه فيلم أمير الظلام ونجحت واتكتب عني حلو جدًا.

وأضاف: حد من الأشخاص القريبين من عادل إمام أخبرني بإني لم أعمل معه مجددًا بسبب نجاحي وقومت بتكديبه، وروحت له المسرح وطلبت منه أن يبقي ليا الدور كخطوة تضيف ليا أكتر في العمل الجديد اللي بيتم تحضيره.

حامد واصل حديثه قائلا: رد عليا وقال لي: لأ يا حبيبي خلاص، أنا قدمتك وخلاص أشتغل بعيد عني، أستغربت وقتها، لكن في المسرح أنا مكنتش بضحك كتير فكملت معاه في المسرح ساعتها، قلت عليا وعلي اعدائي وكسرت الدنيا ضحك.

وختم حديثه: سعيد عبدالغني بعدها كان معايا على المسرح والناس كانت ميتة من الضحك زعقلي وقالي عادل واقف في الكواليس، خلص بقي أنت هتترفد وأنا هاخد 15 يوم جزا بس مهمنيش اشتغلت وقعدت أضحك الجمهور وفي الآخر حصل خلاف مع الإدارة كان وراه حد وتركت المسرحية.