أسما شريف منير تفقد وزنها وتُبهر الجمهور بجسد عارضة أزياء.. صور

بدأت أسما ابنة الفنان شريف منير تحفيز متابعاتها من النساء على تغيير مظهرهن وكتساب الرشاقة وذلك بنشر صور لها تظهر كيف أنقصت وزنها بدرجة كبيرة.

أسما نشرت صورتين لها قبل خسارة وزنها وبعده، وكتبت عبر حسابها الرسمي على إنستجرام ‎الصورة اللي على اليمين اتصورتها يوم ٢ أكتوبر ٢٠٢٠ ومفيهاش Edit لجسمي خالص ظبط بس ألوان الصورة عشان تبان.

وأضافت: أما الصورة التانية اللي على الشمال دي صورة واحدة تعبانة، كسلانة ومعندهاش إرادة وحركتها تقيلة كان عندكم حق تقولولي إنتي حامل؟ ودي كانت من ٣ شهور بس تخيلوا.

الإعلامية المصرية تابعت: وقفت وقفة مع نفسي وقلت لأ مش هينفع الحياة دي خالص والمرة دي لازم تكون مختلفة، قررت إني مفيش حاجة اسمها دايت أصلاً ولا هينفع أتخن كده تاني، ‎دايت ده كلام فارغ هو أسلوب حياة ونظام..

واستطردت: هو مش أكل معين هو إني آكل وأنا جعانة، بس بقى هاكل ايه؟ وقد إيه؟ وإمتى؟ وأنام إزاي؟ وأتغلب على الضغط النفسي إزاي؟!، إيه التحاليل اللي أعملها؟ وإيه العناصر اللي لازم أكلها؟ وإيه مصادرها؟ وأطبخها إزاي؟ وتطلع حلوة مش مسلوق وأكل مستشفيات.

وكشفت أسما في منشورها كيف استطاعت فقدان الوزن شارحة تفاصيل البرنامج الذي اتبعته معلنة مواصلة التحدي.