ياسمين صبري تخرج عن صمتها وتكشف فبركة رامز جلال لبرنامجه
خرجت الفنانة ياسمين صبري عن صمتها وعلقت على برنامج «رامز مجنون رسمي»، والذي يقدمه الفنان رامز جلال عبر فضائية «إم بي سي مصر».
ومن خلال مقطع فيديو نشرته عبر حسابها على تطبيق تبادل الصور والفيديوهات القصيرة «إنستجرام»: «والله أنا حلقة رامز شفتها زيي زي الجمهور، وفي حتة اتفاجئت بيها جدا ولحد دلوقتي مش لاقية ليها أي تفسير، إني لما اتسألت بحب إيه في أحمد».
«أنا قلت أنا بحب في أحمد كل حاجة إنه طموح وإنه وناجح وواثق من نفسه وشخصيته قوية وقلت من وجهة نظري هو سيد الرجالة».
«وقلت كمان احنا بنتمرن مع بعض في الجيم وإن في حاجات كتير مشتركة ما بينا وإنه بيضحكني.. أنا استغربت إن كل ده اتشال واتقص في البرنامج»
وختمت الفنانة ياسمين صبري في تصريحاتها: «أنا اتضايقت جدًا من اللي عمله فريق الإعداد مع رامز وإنه يقص كلامي».