بعد رفضهما الحديث.. أحمد فلوكس يكشف لأول مرة أسباب طلاقه هنا شيحة

أثار الفنان أحمد فلوكس حالة من الجدل على مواقع التواصل الاجتماعي المختلفة، وذلك بعد ظهوره مع المخرجة إيناس الدغيدي في برنامجها «شيخ الحارة والجريئة».

وتحدث أحمد فلوكس خلال اللقاء عن علاقته بالفنانة هنا شيحة، مؤكدًا أن الغيرة هي السبب الرئيس للطلاق، فهو شخص غيور جدًا، وأن هنا شيحة من طلبت منه الطلاق.

وأضاف فلوكس “ماكنتش عاوز أطلق هنا شيحة لأن هنا جميلة جدا ومن الناس اللى قابلتهم ومايتعوضوش .. كانت بتحبنى جدا .. وست بمليون راجل .. ولكن أنا كراجل صعب .. صعيدى حتى لو ماروحتش الصعيد طول عمرى .. وعصبى جدا.. وفى نفس الوقت هنا مايتفرطش فيها بسهولة بس هى اللى طلبت، وطبيعى اللى هتطلبه هنا هعملهولها لغاية ما أموت”.

وعلق فلوكس خلال لقائه ببرنامج “شيخ الحارة”، مع المخرجة إيناس الدغيدى، أكتر حاجة بتضايقنى فى الجواز كلمة “بنشترى راجل” لأن الجملة دى لو أتقالتلى هسيبها وهمشى .. جملة صعبة جدا”.

وأستكمل حديثه ردا على أسئلة المخرجة إيناس الدغيدى، “أنا مادخلتش الفن عن طريق والدى بالعكس هو كان رافض .. أنا دارس إعلام قسم تصوير.. وأبويا كان عاوزنى أشتغل فى البيزنس ..وبالفعل أنا دلوقتى فاتح شركة .. لأن الفن مابقاش هو اللى تربينا عليه .. وأكبر دليل على كلامى، إنى كنت بروح الجامعة بميكروباص .. يعنى تعبت فى البداية”.

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى