أول تعليق لنائب مدير مستشفى النجيلة بعد إصابته بفيروس كورونا

أعلن الدكتور محمد علام، والذي يشغل منصب نائب مدير مستشفى النجيلة بمطروح، إصابته بفيروس كورونا المستجد أو ما يٌعرف بكوفيد -19، وذلك أثناء عمله بالمستشفى.

ووفقًا لما ذكره الدكتور محمد علام، نائب مدير مستشفى النجيلة بمطروح عبر حسابه على موقع التواصل الاجتماعي «فيسبوك»: «تم تشخيصي كوفيد ١٩ ايجابي من يوم ٦-٤.. كنت عارف من أول يوم إني معرض لكده وراضي».

وتابع الدكتور محمد علام في منشوره: «ده شغلي وانا مش زعلان ولا كنت خايف والحمد لله هتكمل على خير وحالتى اتحسنت كتيير وان شاء الله قريب اتحول سلبي وأروح».

واستطرد نائب مدير مستشفى النجيلة بمطروح أن المرض الذي أُصيب به حقيقي وأعراضه حقيقية، وأن الناس تتعافى منه حقيقي.

وطالب نائب مدير مستشفى النجيلة بمطروح في منشوره المواطنين بالتركيز في اللي تقدروا تعملوه وهتعدي، والله العظيم بتعدي لو التزمنا مرحله الخطر عندي عدت وأنا دلوقتي في مرحلة الشفاء التام وإن شاء الله ايام واروح بيتي.

وتابع نائب مدير مستشفى النجيلة: «دي الحقيقة اللي كنت مخبيها باختياري، أنا اللي طلبت محدش يعرف عشان أهلي ميقلقوش اللي بيعدوا الأيام وهما عارفين اللي انا فيه واسف انى اتاخرت كل ده محبتش اعرفهم غير لما أكون بقيت كويس».