«إرهابي وحرامي غسيل».. مصطفى فهمي يفتح النار على فاتن موسى ويكشف المستور

حل الفنان مصطفى فهمي، الساعات الماضية، ضيفا مع الإعلامي عمرو أديب، خلال برنامج “الحكاية” المذاع عبر فضائية “إم بي سي مصر”، حيث كشف تفاصيل جديدة عن أزمته مع طليقته فاتن موسى.

وقال مصطفى فهمي :“كانت أكتر حاجة عايزاها؛ هي المادة وفلوس، علشان تاخد أكتر حاجة، ده استنتاجي واستنتاج أي حد”.

«حرامي غسيل قبيح».. مصطفى فهمي يفتح النار على فاتن موسى ويكشف المستور

وتابع : “ماخدتش موبايلاتها واللاب توب بتاعها، أعمل بيهم أيه، أنا طلعت في الآخر حرامي غسيل، بالهدوم اللي قالت إني أخدتها، بعد الزمن دا كله باخد هدوم واحدة ست، تشهير بشكل قبيح”.

وأضاف قائلا: “أنا ماشهَّرتِش بيها، ولا حد من أهلها، ومش هعمل كده؛ لأن دي سِتّ، وهي طالعة شهِّرت بيا وبالعيلة، ومعنديش أي حاجة أقولها لها بعد اللي عملته”.

وكشف مصطفي فهمي: “ادعت عليا إني إرهابي، جت المحامية ومعاها ظابط من قسم الدقي، وادعوا عن شاب الأمن وحارس العمارة إنهم ماسكين سكاكين وسواطير وبيهددوها وهي في الشقة، وإن ده كله تحريض مني.”

وتابع: “أنا في يوم من الأيام قولت لها أنا امكانياتي أقل من طلباتك، وتطلعاتك أكتر مني ومش قادر على تلك التطلعات، مطلوب مني شقة بـ3 مليون دولار، منين؟”.

وعن سبب طلاقه من زوجته غيابي، قال:  “طلقتها غيابي ومش فى مصر لأن ملهاش حد هنا فى مصر، واما حصل الطلاق وعارف عواقبه أنها تبقي فى وسط أهلها، ولكن هنا مين هيحتويها، والموضوع مكنش مفجأة”.

وأضاف: “فاتن نزلت مصر واختفت 11 يوم وفي خطة ما، اترسمت، وراحت البيت مع 2 بلطجية، و2 ستات، وطفشوا الباب”.

اقرأ ايضا:

تحذير لمصطفى فهمي.. بيان شديد اللهجة من محامية فاتن موسي