«نطت من العربية».. تفاصيل اختطاف فنانة شهيرة على يد سائق

كشفت الفنانة مي حسن، تفاصيل محاولة خطفها على يد سائق سيارة ملاكي تابعة لإحدى الشركات الخاصة المشهورة في مصر.

بدأت القصة، حسبما روت مي حسن: “طلبت عربية من شركة خاصة، كنت راجعة الساعة ستة ونص مساء، وكان السائق مصمم يدخل من البوابة التالتة، وأنا ساكنة في الرابعة”.

«نطت من العربية».. تفاصيل اختطاف فنانة شهيرة على يد سائق

وتابعت في تصريحات صحفية: “أول ما دخلنا الحدايق جاتني مكالمة من جوزي وهو في العراق حاليا وكلمني على الماسنجر، وفجأة السواق دخل شارع يمين وداس 80 ولاقيت العربية بتجري، وعاملة تراب”.

وأضافت: ” أنا مش فاهمة فيه إيه فرميت التليفون وقلت له بعصبية إيه مدخلك هنا، وكان لا في دماغي خطف ولا حاجة، وقلت له هفتح العربية وأنط، قال لي خسارة انتي حلوة وكل ده وجوزي على التليفون معايا».

وتابعت: “فتحت باب العربية وفرمل مرة واحدة، ونطيت من العربية، وصوتي كان عالي قلت له إنت بتستهبل انت بتدخل في الضلمة عايز تخطفني هوديك في داهية”.

واكملت: ” السواق قال لي حطي لسانك في بقك لأدفنك مكانك.. الحمد لله الشارع كان فيه عماير لسه بتتبني وسور خزان وكان فيه عمال وتدخلوا بيشدوه”.

وأضافت: “طلبت الشرطة وطلبوا مني رقم العربية، وبعدها كلمني مأمور قسم الهرم وحكيت اللي حصل والحمد لله بشكر القضاء”.

اقرأ ايضا:

غرق منزل فنانة شهيرة بالكامل.. لن تتوقع ماذا حدث لها !