رد فعل مفاجئ من نشوى مصطفى تجاه المتحرشين بابنتها.. صدمت الجميع
أثارت واقعة التحرش بابنة الفنانة نشوى مصطفى ضجة واسعة على مواقع التواصل الاجتماعي الساعات الماضية، خاصة بعد سرعة القبض عليهم.
من جانبها فاجئت نشوى مصطفى الجميع، وقامت بالتنازل عن القضية ضد المتهمين بالتحرش بابنتها، من مبدأ العفو عند المقدرة.
نشوى مصطفى تفاجئ الجميع بهذا الفعل تجاه المتحرشين بابنتها
وعلقت نشوى:«يوم طويل فى نهاية اليوم أحب أقدم كل الشكر والامتنان لمعالى النائب العام وللفاضل رئيس نيابة الهرم وللفاضل وكيل نيابة الهرم».
وأضافت: « بلدنا عظيمة بشرفائها وشكراً جزيلاً وزارة الداخلية، احنا مسنودين عليكم والله كتر ألف خيركم، بالمناسبة الطرق الجديدة والكاميرات اللي فى كل مكان على الطرق والملصق الإلكترونى اكتشفت بالبرهان أنهم مش بس علشان يرصدوا مخالفات السرعة» .
وتابعت: «الملصق والكاميرات حماية لينا من أي حد ممكن يبلطج، فيه كاميرات بتسجل كل التفاصيل ومفيش أي فرصة لأى بلطجة، بسبب العظمة اللي الطرق بقت عليها الحمد لله تم القبض على العربية باللي كانو فيها فى أقل من أربع ساعات».
واستكملت: «للأسف كلهم سنهم صغير، الهدف اتحقق انهم هما وغيرهم عرفوا إن مصر اختلفت وكله متسجل وأن عندنا عنين صاحية بتحمينا ومحدش فوق القانون، يمكن اخر سطر ده يزعل بعض الناس اللي طلبو منى انى استمر فى القضية».
وأضافت نشوى مصطفى: «حرصاً على أمهات وأسر المتهمين وانهيارهم بأن ولادهم يتسجنوا انا وابتغاء مرضاة الله تنازلت عن القضية عملاً بمبدأ العفو عند المقدرة».
ودعت للمتهمين قائلة: « ربنا يهديهم، واللي طلبتوا من أهاليهم وهما بيعتذروا لبنتى أنهم يربوا عيالهم ويفهموهم معنى الرجولة، وإن أقل عقوبة للمتحرش باللفظ أو الإشارات الخادشة للحياة هى خمس سنوات طبقاً لقانون التحرش اللي أمر بتعديله سيادة الرئيس حفاظاً على حق بناتنا».
وتابعت: «حاجة تانية مهمة مكنتش اعرفها، أنا بالمناسبة معملتش محضر، أنا بس كتبت بوست هنا، واللي اتحرك بالنيابة عنى كمواطنة مصرية إدارة الرصد والبيان والتوجيه بمكتب النائب العام، ودي إدارة موجودة مخصوص لمتابعة السوشيال ميديا وبيهتموا بأى مشكلة يكتبها اي مواطن وليهم ارقام تليفون نقدر نتواصل معاهم وهما اللي بيقوموا باخطار النيابات المختصة نيابة عن اى مراطن تعرض لمشكلة».
واختتمت «على فكرة انا اتنازلت عن الجزء اللي يخصنا لكن حق الدولة مش من حقى اتنازل عنه وهما عندهم مخالفات كتير، وتحيا مصر من كل قلبى».
اقرأ ايضا:
المتهمون بالتحرش بـ ابنة نشوى مصطفى يفجرون مفاجأة تقلب الموازين