أعلنت الفنانة ندى رحمى، تعرض والدتها الفنانة سحر عبد الحميد، لوعكة صحية شديدة، الساعات الماضية، وذلك  في منشور لها عبر صفحتها الرسمية على “يس بوك”.

وكتبت ندى رحمي، :” من شوية اتحطيت في موقف لا أحسد عليه بجد وماتمناهوش لأي إنسان… أمي قلبها تعبان من زمان.. من قيمة ساعة اتعرضت أمي لأزمة قلبية نتيجة إرهاق شديد في المذاكرة وقلق امتحاناتها”.

تدهور الحالة الصحية للفنانة سحر عبد الحميد.. وابنتها تستنجد: قلبها تعبان

وتابعت :”ضغطها واطي جدا على عكس الطبيعي.. أحنا عيلة ضغطنا عالي بالوراثة أساسا.. وكمان قلبها كان بيدق بشكل مرعب لدرجة أن صدرها كان بيترج جامد.. زي مايكون قلبها هينط من ضلوعها”.

وأضافت : ” توترت جدا وماكنتش عارفة اتصرف ازاي ولا اتصل بمين… وزاد رعبي و توتري أكتر لما قالتلي أنا هنام شوية ومن وقت للتاني بصي عليا شوفيني بتنفس ولا لأ، احنا ف حر ومش عايزة يطلعلي ريحة ، للحظة مخي وقف وبقيت بصب عرق من كل ناحية… ومش عارفة المفروض اتصل بمين من أصحابي ولا اكلم مين في النقابة… وأصحابي اللي ممكن يقفوا جمبي في إسكندرية مش هنا… على مايوصلوا ماعرفش ممكن يحصل إيه (أدركت ساعتها أني حرفيا بطولي) غرقانة في شبر ميه ومخي واقف”.

فيما نشرت ندى رحمي بعد ذلك :” شكرا لكل اللي سأل ماما انحجزت في مستشفى بالدقي في الرعاية المركزة.. دعواتكم”.

اقرأ ايضا:

أول رد من بنات أحمد زاهر على رقصهم بعد وفاة دلال عبد العزيز.. صدمة للجمهور