وثق شاب يدعى أحمد محسن، واقعة تحرش جديدة تعرضت لها فتاة بشارع التسعين بمنطقة التجمع الخامس، حيث نجح في إنقاذها.

وسرد محسن تفاصيل الواقعة في منشور، على حسابه الرسمي على “فيس بوك”، قائلًا: «انهارده في التجمع الخامس وللأسف ملحقتش أصور من كتر الأكشن وسرعة الأحداث، اثنين شباب متسولين أو بلطجية اقل حاجة تتقال عليهم ، كانوا على موتوسيكل وبيعاكسوا بنت سايقة عربيتها فنص شارع التسعين الشمالي في عز الزحمة».

شاب يوثق واقعة تحرش جديدة بفتاة في التجمع الخامس.. تفاصيل

وتابع: «المعاكسة كانت أنهم يمسكوا أعضائهم التناسلية قدامها، ويشاوروا بأيديهم بحركات مش تمام، وأخرها أنهم يزنقوا عليها بالموتوسيكل لدرجة أن البنت تقرر تدوس فرامل لحد لما يبعدوا، المستفز اكتر من المنظر اللي بيحصل فنص الشارع، منظر الناس الموجودة في عربياتها وشايفين اللي بيحصل وساكتين، محدش قرر يسترجل أو ياخد موقف ولا قالهم نص كلمة، كأن محدش عنده أخت أو صاحبة أو زوجة وكله عامل أعمى».

وأضاف: «طلعوا أغبية وقرروا يجروا ورايا بالموتوسيكل، مش فاهم الفكرة العظيمة دي كانت أنا كان لازم اخد موقف، دخلت بعربيتي بين عربية البنت والناس دول، زنقت عليهم وشتمتهم وشتموني على أساس أنهم يسيبوا البنت في حالها أو يهربوا، و كان واضح جدا أنهم عايزين يكسروا أزاز عربيتي او المراية معرفش والناس شايفة وبتتفرج، وساعتها كان لازم يتكسروا علشان يعرفوا ان الله حق، قطعت عليهم الشارع على سرعة ٩٠كم ودخلوا فعربيتي بسرعتهم،  والحمد لله وشهم اتساوى بالاسفلت بس ستر ربنا لسه عايشين .. شفتهم في المرايا لاني مشيت علشان منزلش اكمل عليهم واجيب لنفسي مصيبة».

اقرأ ايضًا:

فنانة شهيرة تفاجىء بـ «صرصار» أثناء شربها اللبن.. وهذا رد فعلها (فيديو)