موعد طرح ألبوم شقيق رامي صبري الراحل.. وتفاصيل آخر رسالة قبل وفاته

كشف الموزع محمد شفيق، موعد طرح ألبوم الفنان الراحل كريم صبري، شقيق الفنان رامي صبري، والذي يحمل اسم مشكلة جامدة، وسجله قبل وفاته.

وكتب محمد شفيق عبر حسابه الشخصي بموقع التواصل الاجتماعي فيس بوك: هيتم طرح الألبوم على كل المنصات ابتداء من يوم 10 مارس، شكرًا لكل الفنانين المبدعين اللي شاركوا في تحقيق حلم أخي وصديقي الراحل كريم صبري رحمه الله.

تفاصيل ألبوم كريم صبري
وشارك محمد شفيق في ألبوم مشكلة جامدة، بأربع أغنيات وهم: مشكلة جامدة، كلمات أيمن عز، ألحان كريم صبري، توزيع محمد شفيق، وأغنية ليل بعد ليل، كلمات محمد مصطفي ملك، ألحان كريم صبري، توزيع محمد شفيق.

ووزع محمد شفيق أيضا أغنية مالجمعة للجمعة، كلمات كريم صبري، ألحان كريم صبري – أحمد يوسف، توزيع: محمد شفيق، جيتار أحمد حسين، وأغنية دلوقتي جاي، كلمات طارق درويش، ألحان كريم صبري، توزيع محمد شفيق، باص جيتار أحمد رجب.

آخر رسالة لشقيق رامى صبرى قبل وفاته

وكان كشف صديق مقرب لـ كريم صبري شقيق رامي صبري، عن آخر رسالة تلقاها من الشاب الراحل، والغريب أنه تحدث فيها عن الموت، موضحًا أن الرسالة عبارة عن حوار يدور بين شاب من أهل الدنيا وآخر من أهل الآخرة، وجاء نصها كالآتي:

«شوف القصة دى حلوة أوي وهتنفعك أوي، حوار خيالي من شاب من أهل الدنيا وشاب من أهل الآخرة:

دنيا: إزيك يا صاحبي وحشتني.

آخرة: الحمد لله وانت كمان.

دنيا: يا بختك ارتحت أوي.. الدنيا بقيت صعبة جدًا، أنا بحسدك.

آخرة: صعبة؟.. انت شايف كدا، شايف اللي أنا فيه راحة.

دنيا: آه طبعًا.. الواحد مطحون ومش مرتاح، والهم راكبه على طول.

آخرة: هم إيه اللي راكبك؟.. والله ما انت فاهم حاجة، كنت بقول زيك، ويا ريتنى أرجع وأعيش كل الهموم بس أرجع، أنا اللي بحسدك.

دنيا: يا للدرجة دي، طب ليه بتقول كدا؟.. دا أنا فاكرك مرتاح.

آخرة: عارف يا صاحبي أنا كنت شايف الدنيا دي غلط أوي، كنت ناسي حاجة اسمها موت.. موت يعنى هتقابل ربك، مش موت يعني ترتاح، مش قادر أوصف لك لما فجأة كنت قاعد ومكنتش تعبان ولا بشتكى من أي حاجة، وفجأة ظهر قدامي ملائكة وجسمي عامل زي اللي اتخدر، مش عارف أعمل حاجة، وملك الموت واقف عند راسي، كنت عايز أقول له ادينى خمس دقايق بس أصلي ركعتين توبة لربنا عن أي غلطة، بس خلاص.

«هجيب حقك».. رامي صبري يفجر مفاجأة نارية جديدة في واقعة غرق شقيقه