«مشي في جنازته».. انهيار أرملة مهندس الدقهلية بعد رؤية المتهم

دخلت «أرملة» أحمد عاطف مهندس الدقهلية، في حالة من البكاء والانهيار الشديد بعد رؤية المتهم داخل محكمة جنايات المنصورة، بمحافظة الدقهلية، الذي أنهى حياة «صديقه» بسبب الأموال، في سبتمبر الماضي لعام 2021، بعدما ألقاه قي النيل للتخلص منه.

انهيار أرملة مهندس الدقهلية بعد رؤية المتهم

حيث ظهرت أرملة المهندس الراحل، وعلى وجهها ملامح الحزن الشديد والبكاء وهي تنتظر الحكم على المتهم، وروت تفاصيل احساسها عند رؤيته في قفص الاتهام، وذلك خلال تصريحات صحفية، حيث قالت: «والله العظيم سمعت القاضي بيتكلم، والحاجات اللي طلبوها والقاضي رفضها، كان هاين عليا أقوم وأهتف مع إنها أبسط حاجة، لسه يارب الإعدام والإحالة للمفتي، ماشية على كل محامي أقول ده معناه ايه، الحكم قرب الحكم قرب، فرحت لما القاضي رفض طلباتهم المزيفة ده مطمني، محدش فاهم المحامي بتاعه عايز ايه، هو بيدافع عن ظالم».

وتابعت قائلة: «كلي يقين بالله، أنا لا عمري دخلت محاكم ولا شوفت حاجة، ربنا العالم بحالي.. لما شوفت المتهم محمد أبو العز، مكنتش قادرة أتمالك أعصابي.. منه لله أنهى حياتي وحياة جوزي وحطم ولادي، كنت عايزة أنهي حياته وقالولي ممنوع الكلام، وقعدوني بعيد عنه، إللي عامل عمله بييان عليه، طلب محدش يبصله ويشاور عليه، عينه في الأرض».

أرملة مهندس الدقهلية تفاجئ الجميع بأمنيتها

وتمنت أرملة مهندس الدقهلية الراحل، أمنية فاجئت بها الجميع وهي أن تقوم بتوجيه سؤال للمتهم داخل قفص الاتهام وتسأله عن سبب ارتكابه تلك الجريمة في حق صديقه، فقالت: «نفسي اسأله عملت فيه كدة ليه، وحس بإيه، لو جوزي عايش مش هيصدق إنه يعمل فيه كدة، ده كان هييجي يوديني يوم الولادة، وهو اللي موديني في ابني الأول، قتل القتيل ومشي في جنازته».

مقالات أخرى قد تهمك:

«قلبه مات».. مبروك عطية يوجه رسالة صادمة للص جنازة وائل الإبراشي

تأجيل محاكمة المتهم بقتل “مهندس الدقهلية” إلى هذا الموعد