حكم تشغيل أغاني المهرجانات في الأفراح.. «الإفتاء» تفجر مفاجأة

ما حكم تشغيل أغاني المهرجانات في الأفراح؟.. سؤال ورد إلى دار الإفتاء أثار حيرة الكثيرين خاصة بعد انتشار تلك الظاهرة الفترة الحالية.

من جانبه، قال الدكتور أحمد ممدوح أمين الفتوى، في فيديو عبر قناة الدار الرسمية على «يوتيوب»، :«هي اسمها أفراح، الناس لو مكانتش هتغني في الأفراح إمتى هتغني؟ والدرب بالدف، والاحتفال بالغناء وإظهار البهجة والفرح، كله جائز، لو ما احتفلناش في الأفراح هنحتفل امتى؟».

حكم تشغيل أغاني المهرجانات في الأفراح.. الإفتاء تفجر مفاجأة

وأضاف ممدوح، : «إحنا مش مغفلين، مش عشان قلنا جائز، تجيبلي فرقة مهرجانات، ومعاهم 2 رقاصات، ونقول أصل الغناء في الأفراح جائز، والغناء نفسه جائز، وإظهار الفرح والسرور جائز، لكن مش أن أنا أجيب رقاصة، وحاجات تغضب الله في الفرح».

واختتم ممدوح، :«الموسيقى حلال، لكن لما أجيب موسيقى ومعاها راقصة، يبقى كده حاجة تانية، الغناء جائز، لكن الغناء بألفاظ خارجة، ومعاه موسيقى ورقاصة كده في جو آخر، وكمان الحاجات دي أحيانا معاها مستلزمات تانية، بتيجي في الأفراح الشعبية دون تفصيل، وده غلط، وجو آخر شيطاني».

اقرأ ايضا:

حكم الصلاة بقصار السور فقط.. «الإفتاء» تصدم الجميع