«يارب أعرف أرد».. آخر ما قالته الفنانة سهير البابلي عن الموت
تداول عدد من رواد مواقع التواصل الاجتماعي مجموعة من التصريحات للفنانة الراحلة سهير البابلي، منذ استضافتها عام 2016 مع الإعلامية رغدة شلهوب، مقدمة برنامج “100 سؤال”، والذى يذاع من خلال قناة الحياة.
آخر ما قالته الفنانة سهير البابلي عن الموت
وكانت الراحلة سهير البابلي، تحدثت عن الموت وقالت:” قولت هاهاها وضحكت أوى على الناس اللى طلعوا عليا هذه الشائعة وقولت تانى هاهاها”.
وأكملت الفنانة وقالت:ـ “محدش يستعجل على موتى.. إما يجى وقتى فأهلاً بالموت فى أى وقت.. بس الواحدة منا إما بيجى الموت عليها بتخاف من الحساب، وياريت الكل ياخد بالو أن بقول للكل، وأنا على العموم مش خايفة من الموت بس أنا خايفة من سؤال ربنا على اللى أنا عملتوا”.
وتابعت قائلة:“لو إحنا كنا مظبوطين وكمان الموت مظبوط فأهلاً بالموت، مش أنا أكون عامله بلاوى كتير ومصائب وعاملة حاجات كتير تُخالف الدين.. هنا الواحدة تخاف من الموت.. ويارب طمن قلبى عند الموت.. وبصراحة هو مين اللى ما يخافشى الموت”.
وأوضحت قائلة:ـ “أنا بخاف كل يوم أحسن الموت يجى عليا يقبض روحى، وأنا كل خوفى من سؤال ربنا عملتى إيه، مصيبة هتلجلج، ويارب ثبتنى وإجعلنى أعمل كل حاجة كويسه فى حياتى ويارب أرضيك علشان لسانى ميتلجلجشى”.
وأنهت حديثها، وقالت: “ياريت تفكرى فى كلامى، وخلى بالك أنا أعرف ناس جد ما شاء الله عليها مش بتهاب الموت، علشان هما جد وماشيين صح طول عمرهم، ومش معنى أن الله غفور رحيم وبيسامح إننا نفضل على طول نعمل الغلط، وأنا على فكرة بشعر بالذنب لو زعلت حد منى من البسطاء أو العمال وعلى طول بحاول أرضيهم”.
مقالات أخرى قد تهمك:
«حسن خاتمة».. لن تصدق ماذا حدث في آخر لحظات قبل وفاة سهير البابلي!
«نطقت الشهادة 10 مرات».. تفاصيل اللحظات الأخيرة في حياة الراحلة سهير البابلي