هاني شاكر يهاجم ساويرس: ميشرفنيش إنك تسمعني

شنّ الفنان هاني شاكر، نقيب المهن الموسيقية، هجوما حادا على رجل الأعمال المصري نجيب ساويرس وذلك بسبب هجوم الأخير عليه بعد قرار منع 19 من مطربي المهرجانات عن الغناء.

وردّ هاني شاكر في مداخلة هاتفية على برنامج “الحكاية” ” نجيب بيقول إنه ما بيسمعش الأغاني اللي أنا بقدمها، وأنا بقوله ما يشرفنيش إنك تسمع الأغاني بتاعتي، اللي يسمع المهرجانات ميشرفنيش إنهم يسمعوا أغانيا”.

وأضاف ” نجيب مش فاهم حاجة.. وما دام مش فاهم يبقى يسأل.. وهو بيقول إن مفيش حد بيسمعنى وأنا بقوله كنت تعالى شوف حفلتي في مهرجان الموسيقى العربية وانت تعرف كم ونوعية الجمهور اللي بيسمعني”.

وتابع هاني شاكر “أنا ما علقتش على الفضايح اللي حصلت في مهرجان الجونة، هو ليه بيتكلم في اللي مالوش فيه، زي مانا مش عاجبه هو برضه مش عاجبني”.

وجاءت مداخلة هاني شاكر، للرد على مداخلة رجل الأعمال نجيب ساويرس والتي هاجم فيها قرار نقابة الموسيقيين بمنع مطربي المهرجانات من الغناء.