«ضهري اتكسر».. شهيرة تحيي الذكرى الأولى لوفاة محمود ياسين

أحيت الفنانة شهيرة، اليوم الخميس، الذكرى الأولى لوفاة زوجها الفنان الكبير الراحل محمود ياسين، وذلك في منشور عبر حسابها الرسمي على “فيس بوك”.

وكتبت شهيرة: ” اليوم تمر سنة بدونك، مش هقول الذكرى السنوية الأولى، الكلمة اللي بتتقال دي أصل مش عارفه السنوية بتاعة إيه، ليه هو أنت فين ؟، يعني أنت مش موجود بجد؟”.

«ضهري اتكسر».. شهيرة تحيي الذكرى الأولى لوفاة محمود ياسين

وتابعت: “يعني أنا مش هشوفك تاني؟، لأ بجد والله ؟، يعني أنت في حتة تانية خالص صعب الرجوع منها، طب أنا عايشة وبتعامل على أنك موجود عادي”.

وأضافت: “كل الكلمات دي بتدور في دماغي من ساعة ما مشيت، القلب موجوع، والضهر مكسور، والونس مفقود، والفراغ الإنساني دايرته كل شوية بتوسع أكتر، يارب أنت الونيس، وأنت الجليس، فكن معي، وأعني على فقد الحبيب، ولا حول ولا قوة إلا بك.”.

جدير بالذكر أنه رحل عن عالمنا الفنان الكبير محمود ياسين، في 14 أكتوبر 2020،  عن عمر ناهز الـ 79 عامًا، بعد معاناة كبيرة مع المرض.

اقرأ ايضا:

لأول مرة.. تفاصيل إصابة محمود ياسين بالزهايمر قبل وفاته (فيديو)