علّق أحمد حسام ميدو، المدير الفني الأسبق للزمالك على اقتراب الفريق الأبيض من التنويج بلقب الدوري المصري الممتاز موسم 2020-2021.

الزمالك حقق الفوز أمس على سيراميكا كليوباترا بهدفين مقابل هدف ليحافظ على فارق الـ4 نقاط بينه وبين غريمه التقليدي الأهلي صاحب المركز الثاني.

ميدو: الزمالك البطل رغم المهاترات

نشر ميدو تغريدة عبر حسابه على تويتر قائلا “لما الأهلي بيكسب بطولة بنقول براڤو الناس دي منظمين ويستحقوا.. الجديد اللي أول مرة أشوفه إن في أهلاوية كتير بيقولوا كلام غريب! لجنة الحكام وتعليمات من فوق”.

وأضاف “ليه الناس ماتقولش براڤو الزمالك قفلوا على نفسهم واشتغلوا صح ويستحقوا يكسبوا.. الزمالك اشتغل صح وبعد عن المهاترات. الزمالك البطل”.

وتابع “مفيش مثالية في الحياة ولا طبعا في الكورة بس لازم نحترم بعض واللي يشتغل صح نقدره ونسقفله.. الزمالك السنة دي وقع وقام وقف على رجله وهيبقى بطل الدوري.. البطل الحقيقي اللي لما بيخسر بيسقف للكسبان ويقوله مبروك أشوفك السنة الجاية.. هي دي روح البطل مش الكلام التعبان اللي بنسمعه!!”.

وأتم “الزمالك فقد لاعبين مهمين في وسط الموسم، لكن رجالته كان عندها إصرار إنهم يكسبوا ويعوضوا أي حد.. لسة الدوري مخلصش.. لسة 90 دقيقة.. قاتلوا حتى النهاية.. دوري السنة دي هيكون رساله للولاد الصغيرة في النادي إن البطل لازم يقاتل مهما كانت الظروف”.