الحمد لله إني مخلفتش.. يسرا تكشف مفاجأة عن سبب عدم إنجابها
واصلت الفنانة المصرية يسرا كشف أسرارها الخاصة وتحدثت عن أسباب عدم إنجابها ومشاعرها بعد هذا القرار وقالت إن هذا القرار كان من طرف زوجها خالد سليم الذي أقنعها بأنهما تأخرا في الزواج، ولم يعد بمقدورهما تحمل مسئولية إنجاب طفل وتربيته.
وأضافت أنها لم تقتنع بكلامه وقتها وظنت أنه لا يحبها، ولكنها الآن مقتنعة بأن القرار صحيح جدا، وقالت: حمدت الله على عدم إنجاب أطفال في هذا الزمن الصعب.
يسرا تابعت في الجزء الثاني من حوارها المطول مع الإعلامية وفاء الكيلاني لبرنامج “السيرة” إن زوجها خالد سليم كان يرى أن الظرف غير مناسب لإنجاب أطفال وأقنعها بالتنازل عن حلم الأمومة.
وقالت: كان بيقولي إحنا في زمن صعب، وكنا محتاجين نعرف بعض من زمان ونتجوز من زمان عشان نخلف ويكبروا دلوقتي لا، يعني كنا لازم نخلف وإحنا صغيرين مش بعد ما كبرنا.
وواصلت يسرا حديثها قائلة: اقتنعت باللي قالهولي، لكن ساعة لما اتجوزنا، كنت نفسي أخلف جدا، وقولت يبقى هو مش بيحبني كفاية بس اتضح أن العكس هو الصحيح.
يسرا أكدت أن قدرة التحمل على إنجاب الأطفال تختلف حسب المرحلة العمرية للأبوين، وقالت: وانتي صغيرة تقدري تربي وتعيشي وتشيلي عيل واتنين، لكن النهاردة لأ، وبقول الحمد لله إني مخلفتش، لأني مش عاوزة أتوجع في ولادي، ممكن يروحوا مني أو يحصل حاجة مش هقدر أستحملها.
واستطردت أنها تعتبر بنات أصدقائها بناتها، وأضافت: أنا عندي بنات كثير جدا، وبحبهم جدا، وقريبين مني جدا، ومقدرش أحكي بخاف إزاي عليهم، بعتبرهم حتة من قلبي، وكثير منهم اللي مش بيقدروا يقولوه لوالدتهم بيقولوه ليا.
