حمادة صميدة يصرخ: أبوس إيديكم سيبوني في حالي ولادي الاتنين ماتوا
في منشور تعاطف معه الكثيرين وأثار ضجة على وسائل الإعلام الاجتماعي طالب الفنان حمادة صميدة المتنمرين بالطف عن السخرية.
صميدة قال إنه مر بظروف قاسية كان أشدها فقدانه طفلية حمزة وياسين وهما في سن خمسة أشهر.
صميدة كتب عبر حسابه على موقع إنستجرام: أنا مريت بوجع وبظروف صعبة كتير بس أكتر لحظة وقف فيها قلبي ونزلت فيها دموعي لما ماتوا ولادي حمزة وياسين أول فرحة ليا في سن خمس شهور.
وتابع: حسيت ساعتها أنا ومراتي إن دي النهاية خلاص والدنيا اسودت في وشي ووجع ربنا ما يكتبه لحد.
وأضاف: لكن رحمة ربنا إنه يرزقني بابني فارس اللي ماليش غيره في الدنيا وهو أغلى حاجة عندي وممكن أضحي بعمري علشانه، فكفاية تنمر كفاية سخرية كفاية شتيمة.. سيبوني أفرح بحاجة، بحب ابني وشغلي دول حلم حياتي، لأن دول اللي فاضلين ليا في دنيتي بقى.
صميدة نشر صورة لنجله فارس وتابع: أبوس إيديكم ارحموني لما تشوفوني بنزل صورة لابني اللي فرحان بيه وطلعت بيه من الدنيا، أنا ماليش في الدنيا غيره أنتوا متعرفوش أنا جوايا إيه وظروفي إيه ومريت بأيام شكلها عامل إزاي، أنا عارف إن حمزة وياسين في الجنة وأنا مشتاق للجنة عشان أشوفهم.