شاهد.. خناقة على “فيس بوك” بين تركي آل الشيخ وعضو مجلس الأهلي

شهدت الساعات القليلة الماضية معركة جديدة بين المستشار تركي آل الشيخ، رئيس هيئة الترفيه السعودية والرئيس الشرفي للنادي الأهلي وبين مجلس إدارة النادي الأهلي، وذلك بسبب رفض الأخير التدخل في سياسة النادي الخاصة بالصفقات المتوقع إبرامها خلال فترة الانتقالات الصيفية فضلا عن تدخل في ملف حسام عاشور قائد المارد الأحمر.

وكانت بداية المعركة عندما نشر آل الشيخ عبر حسابه على فيس بوك قائلا ” اذا كان القرار بيد ادارة مش عاوزه مصلحة النادي وبيعطلو اي اي حاجه تصب في مصلحة النادي … وصبرت عليها كتير بس واضح انهم مش حيتغيرو في حاجه … الحمدالله عندي نادي في أوروبا ! والباب الي يجيلك منه الريح سده واستريح … لغاية مايجي رجال يقدرو الرجال!”.

واستمر آل الشيخ في هجومه على مجلس الأهلي قبل أن يخرج محمد سراج الدين عضو مجلس إدارة القلعة الحمراء عن صمته ونشر على فيس بوك ” في فيروس عجوز موجود من زمان في قطاع الرياضة في مصر وفي فيروس تاني عيل لسه مستجد من الخارج الفيروسات دي بتنشر فتن وقرف ومشاكل طول الوقت في الرياضة وبين الناس وبين بعض وبين أكبر جمهورين في مصر اللي انا واحد مرضاش بإحداث أي نوع من أنواع الفتنة بينهم بأي شكل من الأشكال احنا في النهاية ولاد بلد واحدة نختلف اه نهزر مع بعض اه لكن تطاول وأذى ده منبوذ ومرفوض بالنسبالي من الجانبيين”.

وأضاف ” المشكلة أن الفيروسات دي مختلفة عن الكورونا في حاجة وهي ان لها علاج بس العلاج لازم يجي من الدولة ويكون جذري الدولة اللي انا بحترمها وبقدرها عشان محدش يزايد عليا انا ابن مؤتمر الشباب ودايماً بكون فخور بده وظهوري الأول هناك في ٢٠١٦ وعرضي لأفكاري كان دفعة ونقلة ليا في أمور تانية كتير مؤتمر شباب مصر اللي كله طموح وتفاؤل وفكر ونقاء مش أجواء عشوائية وفتن وبلطجة تعوق الواحد عن أهدافه وطموحه الحقيقي لرفعة بلده وناديه المفضل أتمنى يكون في مستمع لأن فاض الكيل…اللهم بلغت اللهم فاشهد”.

غصب من آل الشيخ وسراج يرد مرة أخرى

أثار رد محمد سراج الدين، غضب تركي آل الشيخ الذي نشر عبر حسابه على فيس بوك ” هوا مين الهلفوت ده محمد سراج الدين؟ ايه موقعك من الاعراب بس قبل مرد عليك يا هلفوت؟”.

قبل أن يعود عضو مجلس الأهلي ويرد عبر حسابه قائلا ” هو أنا متربي وهادي الحمد لله ودي نعمة ربتني عليها والدتي الأستاذة الجامعية ووالدي وهو لواء مدفعية سابق في الجيش المصري بس أفتكر إنه كان علمني كمان أن الكرامة دي أعلى وأهم صفات الإنسان وإن عمري ما أقبل أي تجاوز في حقي”.

وتابع ” أنا بشفق عليك حقيقي لأنك ملقتش حد يربيك تربية سوية أو يعلمك إن مش كل حاجة المظاهر والشو والهبل اللي بتعمله ده اللي خلاك مسخة أمام العالم كله في قيم ومعاني وأصول أهم وأسمى من كده بكتير بس انت معذور متعرفهاش بحمد ربنا إني اتربيت كده وأنا مش بشوفك يا تركي ال شيخ من أول يوم غير واحد ناقص وجاهل وهفضل أشوفك كده على طول وعلى فكرة انت مش كاسر عيني وعارف كده كويس ولا عمرك هتقدر في أحلامك حتى تكسرها ولا أنت ولا أتخن تخين.

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى